Vier verpleegsters van Tanzanië is in hegtenis geneem nadat hulle glo organe van ʼn tweeling geoes het kort nadat dié babas gesterf het. Die voorval het in die Tabora-streek in die weste van Tanzanië plaasgevind.
BBC berig dat ʼn komitee wat aangestel is om die voorval te ondersoek, bevind het dat die liggame van die tweeling, wat vroeggebore is, ná hul dood vermink is.
Die voorval word glo met heksery verbind.
Die verpleegsters is in hegtenis geneem en uit hul poste geskors. Klagtes sal na verwagting binnekort teen hulle aanhangig gemaak word.
Die betrokke verpleegsters het glo ook die ondersoekkomitee probeer mislei deur aan te voer dat die babas se liggame in die kraamsaal is, terwyl hulle inderwaarheid in ʼn verpleegkamer was.
Die verpleegsters het nog nie kommentaar op die bewerings teen hulle gelewer nie.
Luidens ʼn verslag het die babas gesterf weens ʼn tekort aan neonatale sorg wat nie by die fasiliteit beskikbaar was waar hulle gebore is nie.
- Bron: BBC
Here, help ons as mensdom, asb. Waarheen is ons op pad?
Jy kan net niemand meer vertrou nie ek vertrou niks in hierdie land nie sorrie
In Tanzanië
Geld, die wortel van alle kwaad – inhaligheid