Opgestel deur die Podlitiek-span
Herman Mashaba, leier van ActionSA. (Foto: ActionSA)
Almal hou daarvan om soms so ʼn bietjie te kla! Hierdie week kla die Podlitiek-span self oor onlangse nuusgebeure.
Eerstens oor Herman Mashaba. Daar is skynbaar verdeeldheid binne ActionSA oor hoe nou, wat nou, en waar nou. Veral as dit kom by saamspeel met die ANC. Mashaba het prontuit verklaar dat hy nooit met hulle sal saamwerk nie. Die harde werklikheid van koalisiepolitiek is egter dat dit soms maatjies van kwaaivriende maak. Podlitiek stel ondersoek in.
Die volgende storie is dat ons moet betaal vir soveel water en elektrisiteit. Nie net betaal ons vir ons eie nie – nee, ons betaal ook vir die ewig beskikbare water en krag van ons eerwaarde ministers.
Die laaste storie wat bespreek word, is ʼn ou storie. Dieselfde ou storie dat die Universiteit Stellenbosch Afrikaans weg wil hê.
Luister Podlitiek vir hierdie, en meer!
- Die Podlitiek-span bestaan uit Paul Maritz, Ernst van Zyl, Frederik van Dyk en Reiner Duvenage.
