Soorte resepte:

Resep: Kitspoeding-yskastert

Kitspoeding-yskastert (Foto: Lapa-uitgewers)

Die naweek is nie daar vir moeite doen nie; maak hierdie tert sommer tjoef-tjaf!

Lewer 1 tert

Bestanddele

KORS

  • 75 ml botter, gesmelt
  • 200 g (1 pak) Tennisbeskuitjies, fyngemaak

VULSEL

  • 250 ml room
  • 397 g (1 blik) kondensmelk
  • 250 g (1 bakkie) gladde laevetmaaskaas
  • 90 g (1 pak) vanieljegeur kitspoeding

Metode

KORS

  1. Roer die botter by die fyngemaakte koekies. Druk die koekiekrummels op die bodem en teen die rand van ’n ronde 22 cm-tertbord.
  2. Plaas in die yskas terwyl die vulsel voorberei word.

VULSEL

  1. Klits die room tot net styf.
  2. Roer die kondensmelk en maaskaas by.
  3. Roer die kitspoeding by die kondensmelk mengsel. Werk vinnig omdat dit gou stol.
  4. Skep in die koekiekors en plaas in die yskas om te stol.

Bron: Lekker & vinnig: Resepte uit Vroukeur 2, Marlo Carstens

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

KarinB ·

Word die vanieljepoeding eers aangemaak of word dit in poeiervorm by room, ens, gevoeg?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.