Soorte resepte:

Resep: Hoender- en grondboontjiegereg

Hoender-en-grondboontjie-gereg

‘n Hoender en grondbootjie gereg. Foto: Kos is oppie tafel se Facebookblad.

Probeer hierdie unieke hoendergereg van Willie Strauss, die aanbieder van ASTV se gewilde kosprogram Kos is oppie tafel:

Bestanddele:

  • 1 pak hoendervlerkies (maak splete in hoender vir geur)
  • 150 g grondboontjiebotter
  • 250 ml ongegeurde jogurt
  • 80 ml heuning
  • Skil van een suurlemoen
  • Grondboontjies vir versiering
  • 1 suurlemoen
  • Sout en peper

Metode:

  1. Verhit oond tot 180 grade.
  2. Rasper die skil van een suurlemoen en sny middeldeur.
  3. Meng die jogurt en grondboontjiebotter goed saam.
  4. Voeg heuning en die sap van die suurlemoen by en meng goed.
  5. Plaas hoendervlerkies in ‘n oondvaste bak.
  6. Gooi die grondboontjiebottermengsel oor die hoender.
  7. Meng die sous en die hoender goed, sodat al die hoender sous kry.
  8. Voeg bietjie sout en peper by.
  9. Plaas deksel op en bak in oond vir 30 tot 40 minute.
  10. Gooi grondboontjies op wanneer gaar.

Bron:

Willie Strauss is die aanbieder van ASTV se gewilde kosprogram, Kos is oppie tafel. Besoek die program se Facebookblad vir nog ‘n paar lekker resepte.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

AP ·

O wee, weet nie of ek die kos sal kan eet nie, dit lyk dan nes……..

VattieKakkie ·

Willie strauss hoeveel vlerkies is in jou 1 pak hoendervlerkies

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.