Foto: Verskaf.
Ná die Bulls se naelbytsege teen die Sharks, en die Stormers wat ploeter-ploeter ’n pak slae vir Edinburgh uitgedeel het, is alle oë op die naweek se halfeindstryd-aksie van die Verenigde Rugbykampioenskap gerig.
Vir die Pretorianers is dit die groot trek noordwaarts na Dublin om ’n gedugte Leinster-span die stryd aan te sê – beslis een van die reeks se taaiste uitdagings.
In die mooie Kaap van Storms is dit John Dobson se flair-belaaide groep wat hoop om dit twee uit twee teen Duane Vermeulen se Ulster op “Nuwerland” te maak.
Gaan Ulster weer hul pak kom haal, of sal die Stormers weer hul ware uitklopkleure na vore bring?
Oudskeidsregter Jéan de Wet kom gesels saam met die Agterblad-span oor die naweek se halfeindstryd-aksie.
- Willem Rautenbach, Francois van Zyl, Alten du Plessis, Charl Eksteen en Hendré Cubitt is vyf sportliefhebbers wat mekaar as studente op Stellenbosch ontmoet het. Hoewel hulle hul deesdae op verskillende plekke in die land bevind, is hulle steeds gereed om oor elke drie, doel en grenshou te debatteer.
Ek wil nou nie negatief klink nie maar daar is ‘n goeie kans dat albei ons spanne gaan verloor. Ek dink die Bulle gaan definitief verloor. Die Stormers wedstryd gaan naby wees.
Hoe ha….surprise!!
Ons eet nie van die vloer af nie. Pasop maar Stormers…