Die Suid-Afrikaner Brad Binder (Red Bull KTM) het Saterdagaand by Termas de Rio Hondo in Santiago sy een hand op die wennerstrofee vir Sondagaand se Argentynse MotoGP gesit toe hy die vooraf-naelren oor 12 rondtes gewen het.
Wat Binder se prestasie merkwaardig gemaak het, was dat hy in die 15de posisie weggespring het.
Hy het oudergewoonte soos ʼn blits weggespring en was ná die eerste rondte sewende.
Hy was reeds in die derde rondte teen alle verwagtinge in voor waar hy enduit gebly het.
Binder het 12 punte met sy oorwinning in dié nuutjie in MotoGP verdien en hoewel hy 16de vir Sondagaand se MotoGP gekwalifiseer het, sal die ander jaers baie deeglik kennis van hom moet neem.
As Binder eers voor is, laat hy nie los nie.
Marco Bezzecchi (Mooney VR46 Ducati) was tweede, Luca Marini (Mooney VR46 Ducati) derde, Franco Morbidelli (Monster Yamaha) vierde, Alex Marquez (Gresini Ducati) vyfde en Francesco Bagnianai (Ducati Lenovo) sesde.
Voorwaar ‘n prestasie Brad,doen do voort en maak ons trots.