Die vierhoekige netbalreeks tussen Suid-Afrika, Nieu-Seeland, Australië en Engeland word Januarie in Kaapstad aangebied en dit dien as die perfekte littelosmaker vir die Wêreldbeker-toernooi wat later in die einste stad sal plaasvind.
Dit is slegs die derde keer dat Suid-Afrika gasheer vir die reeks sal speel en plaaslike netbalondersteuners kan van die wêreld se voorste spelers in aksie sien.
Volgens Wêreldnetbal se amptelike ranglys is die Aussies tans die voorste netballand op die internasionale verhoog, gevolg deur Nieu-Seeland en Engeland. Suid-Afrika beklee die vyfde plek op dié lys.
“Die tydsberekening van die vierhoekige reeks kon nie beter nie omdat die Wêreldbeker-toernooi net ʼn paar maande weg is,” het Cecilia Molokwane, president van Netbal Suid-Afrika, gesê.
“Ons kry nou ʼn geleentheid om onsself teen die topspanne te meet en te sien waar ons kan verbeter.”
Die Proteas het pas ʼn oefenkamp in Stellenbosch voltooi en hulle sal vroeg in die nuwe jaar weer byeenkom om vir die internasionale tweestryde voor te berei.
- Bepalings:
21 Januarie: Suid-Afrika teen Nieu-Seeland en Australië teen Engeland
22 Januarie: Suid-Afrika teen Engeland en Australië teen Nieu-Seeland
24 Januarie: Engeland teen Nieu-Seeland en Suid-Afrika teen Australië
25 Januarie: Uitspeelwedstryde.
We can't wait ???? 4 days of ???????????????? ???????????????????????? ????????????????????????????
????????????????????????????????????????????????????
????️???????????????????????????? ???????????? ???????????????????????????????????? @TicketProSA & participating @My_SPAR outlets ???? https://t.co/ujXro6RcPC
???????????????????????? ???????????????? @SuperSportTV Variety 4#QuadSeries | #SPARProteas | #WeAreAllIn pic.twitter.com/u9gVbVF8sU
— Netball South Africa (@Netball_SA) December 21, 2022