Die Protea-netbalspan het vandag hul 19de wedstryd op ’n streep teen Wallis gewen toe hulle vandag ’n Statebondkragmeting met 69–51 in Birmingham beklink het.
Ná ’n taai eerste kwart het die Suid-Afrikaners die krane in die tweede en derde kwart oopgedraai om ’n gemaklike voorsprong op te bou.
Die wisselwerking tussen al die spelers was goed, terwyl Elmeré van der Berg en Kie dodelik in die doelsirkel was.
Hoewel Wallis met meer dringendheid in die finale kwart gespeel het, het die Suid-Afrikaners steeds hopeloos te veel skietgoed op die baan gehad.
Die Proteas speel môre om 19:50 teen Skotland en die aksie sal regstreeks op SuperSport uitgesaai word.
Tellings ná elke kwart (Suid-Afrika se telling eerste):
Eerste kwart: 12–12
Tweede kwart: 31–21
Derde kwart: 53–32
Vierde kwart: 69–51.
Proteas teen Wallis: Ine-Marí Venter, Elmeré van der Berg, Bongi Msomi (kaptein), Izette Griesel, Khanyisa Chawane, Zanele Vimbela en Phumza Maweni. Plaasvervangers: Lefébre Rademan, Nichole Taljaard, Tshina Mdau, Shadine van der Merwe en Nicola Smith.
Uitslae van vorige Statebondwedstryde:
49–74 teen Australië
91–36 teen Barbados
49–68 teen Jamaika.
'I love my team'. #TeamSA #B2022 pic.twitter.com/IY9eVwpT2i
— Team South Africa (@TeamSA2024) August 3, 2022
Sal nog baie moet verbeter om eendag vir Australie, Jamaika en NZ te klop. Selfs Engeland is beter. Dinge het agteruit gegaan nadat die Aussie afrigter weg is. Dis jammer.