Bongi Msomi in aksie teen Uganda. (Foto: Twitter/Netball SA)
Die Proteas het aanvanklik Donderdagmiddag hul bes gedoen om soveel as moontlik doele teen Uganda aan te teken.
Ine-Marí Venter en kie was tot die 28ste minuut van die kragmeting in die kol met 100% van hul doelpogings en die Suid-Afrikaners het ʼn rustydvoorsprong van 33 – 19 geniet.
Die Proteas moes hul laaste Wêreldbeker-groepwedstryd in Kaapstad met meer as 60 doele wen om na die bekeruitspeelwedstryde deur te dring.
Tog het die She Cranes skielik ná rustyd vlamgevat en Suid-Afrika se verdedigers moes hul storie ken om die een aanval na die ander in die kiem te spoor.
Toe die eindfluitjie uiteindelik blaas, het die tuisspan weliswaar met 52 – 50 gewen, maar hul drome van ʼn Wêreldbeker-podiumplek het skipbreuk gely.
Hulle is nou later vandag teen Tonga in aksie.
“Dit is ʼn teleurstellende oorwinning teen Uganda – ek bedoel, ons het gelykop teen Nieu-Seeland gespeel en daardie uitslag het vir ons soos ʼn wen gevoel,” het Bongi Msomi gesê.
Here's how things end after the Preliminaries Stage two in Pool G ????
Both South Africa and Uganda will feature in the 5th/6th/7th/8th play-offs.#HereForHer | #NWC2023 pic.twitter.com/PKxDD2Ep2M
— SuperSport ???? (@SuperSportTV) August 3, 2023
Die Protea-kaptein is veral omgekrap omdat haar span nie die voet op die versnelpedaal gehou het nie.
“Ons sou baie daarvan gehou het om in die halfeindstryd te speel. Ons het geweet dat ons op ons heel beste teen Uganda moet wees en ons wou so graag wen. Teen rustyd het dit gevoel of ons nog ʼn kans staan; die uiteinde van die wedstryd is baie teleurstellend.”
Sy het egter beloof dat die Suid-Afrikaners steeds goeie netbal sal opdis. Hulle is immers ’n span waarop ondersteuners trots kan wees.
“Ons volgende doelwit is om ons ranglysplek te verseker. Uganda het net weer eens vir almal bewys dat hulle ʼn netbalkrag is waarmee daar rekening gehou moet word. Ons wou bitter graag nou beter gedoen het as by die vorige toernooi in 2019.”
DID YOU KNOW: The South African Netball team is ranked 5th in the world.
Being top 5 in the world is undeniably is extraordinary!#PutYourHandsUp #StandTall #NWC2023 #SparProteas #NetballWorldCup pic.twitter.com/O5i9yFwTlu
— Department of Sport, Arts and Culture (@SportArtsCultur) August 3, 2023
Tellings ná elke kwart:
Eerste kwart: Proteas 16 – 11 Uganda
Tweede kwart: Proteas 17 – 8 Uganda
Derde kwart: Uganda 17 – 8 Proteas
Vierde kwart: Uganda 14 – 11 Proteas
Vandag se bepalings:
09:00: Singapoer teen Sri Lanka
11:00: Zimbabwe teen Barbados
16:00: Malawi teen Uganda
18:00: Suid-Afrika teen Tonga.
Dit was naby. Ek dink die Ugandese is potensiaalgewys beter spelers as die Proteas. Ek bedoel, wat gaan nou eintlik aan in Uganda. Almal amateurs en hulle het verseker nie so ‘n goedgeorganiseerde liga soos hier nie. Hulle het ook geen blootstelling teen die topspanne in die wereld teen wie ons gereeld speel nie. Gee hulle ‘n bietjie meer blootstelling en hulle druk die Proteas verseker in ‘n blik. So terloops – beide Uganda en Malawi het al die Proteas vantevore geklop.
meeste van ons Proteas speel nie plaaslik nie, maar in Engeland en Australie, en het net die oefen kamp en oefening met WC om as een unit te speel, wat beslis n negatiewe effek het. As ons dames saam as n span speel vir n jaar voor die WC en ons dames plaaslik speel, sal die resultate anders wees, dit kan ek jou belowe. Maar die Proteas kan hul kenne lug, hulle het bitter goed gespeel.