Super Max gee sy spaarvarkie ook vlerke

Max Verstappen en Lewis Hamilton. Foto: Christophe Simon/AFP.

Lewis Hamilton swaai sedert 2013 die septer op Forbes se lys van hoogsbetaalde F1-renjaers, maar Max Verstappen het hom vanjaar ook in dié resies verbygesteek.

Volgens die gesaghebbende publikasie het die Red Bull-renjaer na raming $60 miljoen (sowat R1 miljard) in die sak gesteek, terwyl die 37-jarige Brit ongeveer $55 miljoen (meer as R940 miljoen) verdien het.

Hamilton het egter geen bonusse verdien nie, terwyl Verstappen $20 miljoen se bonusgeld gekry het.

Die immergroen Fernando Alonso beklee die derde plek op die lys, gevolg deur Sergio Perez. Die Mexikaanse renjaer verdien weliswaar ʼn kleiner salaris as sy wêreldkampioen-spanmaat, maar die bonusgeld beteken dat sy spaarvarkie vir niemand terugstaan nie.

Charles Leclerc, Sebastian Vettel, Daniel Ricciardo, Carlos Sainz en Lando Norris is ook op die lys, terwyl George Russell die tiende plek beklee.

• Forbes se lys vir besbetaalde renjaers:

1. Max Verstappen: $60 miljoen (salaris van $40 miljoen en $20 miljoen se bonusse)
2. Lewis Hamilton: $55 miljoen (salaris van $55 miljoen en geen bonusse nie)
3. Fernando Alonso: $30 miljoen (salaris van $30 miljoen en geen bonusse nie)
4. Sergio Perez: $26 miljoen (salaris van $10 miljoen en bonusse van $16 miljoen)
5. Charles Leclerc: $23 miljoen (salaris van $12 miljoen en bonusse van $11 miljoen)
6. Sebastian Vettel: $17 miljoen (salaris van $15 miljoen en bonusse van $2 miljoen)
7. Daniel Ricciardo: $17 miljoen (salaris van $15 miljoen en bonusse van $2 miljoen)
8. Carlos Sainz: $15 miljoen (salaris van $8 miljoen en bonusse van $7 miljoen)
9. Lando Norris: $11 miljoen (salaris van $5 miljoen en bonusse van $6 miljoen)
10. George Russell: $10 miljoen (salaris van $3 miljoen en bonusse van $7 miljoen).

In all, Formula 1’s ten highest-paid drivers are collecting an estimated $264 million, a 25% increase from 2021’s projections, which were generated during the season.

See full list: https://t.co/VeOlUzWIvr pic.twitter.com/SWrYbKVppA

— Forbes (@Forbes) November 23, 2022