Die Arc de Triomphe in die Champs-Élysées is destyds in opdrag van Napoleon Bonaparte gebou om sy oorwinning in die Slag van Austerlitz te herdenk.
Maar as dinge so aanhou, sal die organiseerders van die Tour de France binnekort ook ’n soortgelyke triomfboog vir Jonas Vingegaard in Parys moet oprig.
Die 26-jarige Deen het vir die tweede jaar op ’n streep met die Tour de France-louere weggejaag en hy is beslis honger vir nog meer sukses.
“Dit was ’n lang en moeilike avontuur, maar ek is trots en gelukkig. Dit is ongelooflik om ’n tweede triomf saam met al die Deense ondersteuners hier te vier. Ek sal graag wil terugkom en probeer om met ’n soortgelyke vertoning vorendag te kom,” het Vingegaard gesê.
We can't get over this shot ????
On se remet pas de cet angle de caméra ????#TDF2023 pic.twitter.com/l1I05ZwsAM
— Tour de France™ (@LeTour) July 23, 2023
Tadej Pogacar en Adem Yates het saam met hom op die podium gestaan.
“Ek moes vir hierdie oorwinning baklei en ek het my tweestryd met Pogacar en Yates geniet, maar ek sien nou net baie daarna uit om saam met my gesin te ontspan.”
Vingegaard het ʼn uiteindelike voorsprong van 7:29 min geniet. Dit is die beste vertoning sedert Vincenzo Nibali in 2014 die moordende skofwedren met 7:39 min gewen het.
The final #TDF2023 rankings / Les derniers classements du #TDF2023
????Jonas Vingegaard
2️⃣@TamauPogi
3️⃣@AdamYates7 @MaillotjauneLCL pic.twitter.com/7EznYLxiLA— Tour de France™ (@LeTour) July 23, 2023
Jordi Meeus het die finale skof gewen en hy is in sy noppies met sy vertoning in die pylvak van die wedren.
“Dit was ʼn wonderlike eindpoging. Dit was inderdaad ʼn topgehalte wedren,” het hy glimlaggend gesê.
Maar Vingegaard verdien ongetwyfeld ʼn glasie vonkelwyn of twee.
“Die Tour de France is die beste fietswedren in die wêreld. Ek sal volgende jaar weer terug op my pos wees.”
Finale uitslae:
- Jonas Vingegaard: 82:05:42
- Tadej Pogacar: 82:13:11
- Adam Yates: 82:16:38.
???? Final thoughts from the Maillot Jaune ???? Jonas Vingegaard.
???? Les derniers mots du @maillotjauneLCL???? Jonas Vingegaard.#TDF2023 pic.twitter.com/8PYugXurAB
— Tour de France™ (@LeTour) July 23, 2023
One of the best!