’n Argieffoto van Suid-Afrika se Akani Simbine. (Foto: Stefano Rellandini/AFP)
Akani Simbine is deesdae nie ʼn te gereelde gesig in ʼn 200 m-naelloopsessie nie, maar die Suid-Afrikaanse blits beskik nogtans oor stralerskoene.
Die nasionale 100 m-rekordhouer het Woensdagaand tweede in die 200 m-item in Atletiek Suid-Afrika se Grand Prix-byeenkoms geëindig met sy tyd van 20.32 sekondes.
Die vlieënde Letsile Tebogo van Botswana het goud gesmaak met sy lopie van 19.94 sekondes.
Die 20-jarige Tebogo het in Februarie Wayde van Niekerk se wêreldbestetyd in die 300 m na 30.69 sekondes by Simbine se Curro Classic Shootout-byeenkoms op die Pilditch-stadion verbeter.
Hy het nou in Johannesburg weer eens die spoedkrane in die pylvak oopgedraai om hakskene vir Simbine te wys.
Eckhart Potgieter – een van Affies se aflosrekordbrekers – was derde in die Goudstad met ʼn tyd van 20.61 sekondes.
Letsile Tebogo ???????? wins the men's 200m at the ASA Grand Prix III in a time of 19.94s (-1.1) ahead of Akani Simbine!
First man under 20 seconds in 2024.pic.twitter.com/BhRZBfvlPO
— Track & Field Gazette (@TrackGazette) March 27, 2024
Maar terug na Simbine.
Ondanks sy tweede plek is die 30-jarige atleet steeds tevrede met sy vertoning. Dit was skaars sy derde 200 m-lopie van die afgelope paar aar nadat hy die afgelope ruk uitsluitlik op die 100 m fokus.
“Ek is tevrede. Dit was eintlik ʼn baie konserwatiewe lopie en ek het nie enige verwagtinge gehad nie; ek het immers lanklaas by die wegspring van ʼn 200 m aangetree. Ek het dit as ʼn oefenlopie benader om te sien hoe dinge tans staan. Ek is voel gesond en ek is gereed vir die res van die seisoen,” het hy aan The Citizen gesê.
He is here ????????????????#ContinentalTour pic.twitter.com/VwKYbbfRhP
— Athletics_SA (@AthleticsSA_) March 27, 2024
