Kagiso in wêreldtoetsspan

Kagiso Rabada. Foto: Facebook.

Suid-Afrika se wegholsneltrein, Kagiso Rabada, se 52 paaltjies in die 2018-toetskalenderjaar het hom ’n plek in die IKR se wêreldtoetsspan losgeslaan.

Die jong blitsbouler is die voorste toetsbouler in wêreldkrieket en hy het die paaltjies teen ’n topgemiddeld van 20.07 ingeoes.

Hy is egter die enigste Protea wat die toets- óf eendagspan gehaal het. In die toetsspan is Jason Holder (Wes-Indië), Natahan Lyon (Australië), Jasprit Bumrah (Indië) en Mohammad Abbas (Pakistan). Niemand het egter soveel paaltjies as Rabada geneem nie.

Tog was Kohli die aand se groot wenner. Die Indiese superster het in 2018 ’n verstommende 1 322 lopies teen ’n gemiddeld van 55.08 in toetskrieket geslaan en hy is welverdiend as die kaptein aangewys.

Sy spelpeil in kitskrieket was selfs beter. In 14 eendagwedstryde het hy 1 202 lopies gemoker teen ’n belaglike gemiddeld van 133.55 lopies per kolfbeurt.

Wêreldtoetsspan:

Tom Latham (Nieu-Seeland), Dimuth Karunaratne (Sri Lanka), Kane Williamson (Nieu-Seeland), Virat Kohli (Indië), Henry Nichols (Nieu-Seeland), Rishabh Pant (Indië), Jason Holder (Wes-Indië), Kagiso Rabada (Suid-Afrika), Nathan Lyon (Australië), Jasprit Bumrah (Indië), Mohammad Abbas (Pakistan).

Wêreldeendagspan:

Virat Kohli (Indië), Rohit Sharma (Indië), Jonny Bairstow (Engeland), Joe Root (Engeland), Ross Taylor (Nieu-Seeland), Jos Buttler (Engeland), Ben Stokes (Engeland), Mustafizur Rahman (Bangladesj), Rashid Khan (Afghanistan), Kuldeep Yadav (Indië), Jasprit Bumrah (Indië).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Johan ·

Daai lyk soos Ngidi… maar ja, wat maak dit nou saak aan die inhoud van die artikel

George ·

Die hoofopskrif dui aan dat dit die 2018 span is. Dit moet seker 2019 se span wees

Sune van Heerden ·

Dagsê George

Die eerste paragraaf verwys inderdaad na Kagiso Rabada se prestasie in 2018.

Groetnis
Suné
nms Maroela Media

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.