Rob Walter (links) was voorheen die Proteas se kondisioneringsafrigter. Foto: Deshakalyan Chowdhury/AFP.
Krieket Suid-Afrika (KSA) het vandag die nuus amptelik bevestig dat Shukri Conrad en Rob Walter aan die stuur van die Protea-krieketspan sal wees.
Conrad sal aan die stuur van die toetsspan wees, terwyl Walter oor die witbalkrieketspanne sal toesig hou.
Maroela Media het gister berig dat Conrad onlangs in beheer van die jong Suid-Afrikaners by die o. 19-Wêreldbekertoernooi was waar hy eerstehandse ervaring van ʼn opkomende ster soos Dewald Brevis opgedoen het.
Die 56-jarige afrigter was plaaslik ook deel van die Lions- en die Cobras-opset.
Op sy beurt het Walter die kondisioneringsepter vir die Proteas geswaai toe hulle op die kruin van veral die toetskrieketgolf tussen 2009 en 2013 gery het.
Hy het ook ʼn paar trofees saam met die Titans gewen en is deesdae ʼn suksesvolle afrigter in Nieu-Seeland waar hy onder meer die Otago Volts se herlewing ingelui het. Daarbenewens het die Pune Warriors en die Delhi Daredevils ook al van sy dienste gebruik gemaak.
Al twee afrigters sal op 1 Februarie by hul nuwe rolle inval. Dit beteken dat Walter eers amptelik deel van die aksie tydens die derde eendagwedstryd tussen die Proteas en Engeland sal word.
Hy sal egter in die voorafgaande wedstryde by die spankeuses betrokke wees.
Shukri Conrad (red-ball) and Rob Walter (white-ball) have been revealed as the new #Proteas head coaches ????
We wish them all the best in their new roles ????????#BePartOfIt pic.twitter.com/E2PVE6ER4s
— Proteas Men (@ProteasMenCSA) January 16, 2023
AG, SHAME ! ALLE STERKTE VIR JULLE HOOR………………………………
Conrad het ‘n roemryke loopbaan as plaaslike afrigter..ook internasionaal as afrigter van Oeganda….
Dinge behoort klopdisselboom te gaan van hier af…
Terloops, mens wonder steeds waarom Russell Domingo ooit laat gaan is…
Ha ha binnekort kan die blommetjies net teen Zim, Kenya en Uganda meeding ……..