Die Afrikabeker vir krieketspelers ouer as 40 jaar word in Pretoria beslis en Suid-Afrika speel vandag in die eindstryd teen Namibië op die Irene-buiteklub.
Die Suid-Afrikaners, wat deur Warren Dugmore (voormalige Gauteng-speler) aangevoer word, het ʼn onoorwonne pad na die finale wedstryd gevolg.
Benewens hul goeie vertonings teen Zimbabwe en ʼn Suid-Afrikaanse A-span, het hulle ook die Namibiërs met tien paaltjies in die groepfase geklop.
Namibië is toe vir slegs 29 lopies uitgeknikker met Daniel Styer (3/8) en Jaco Castle (2/10) wat onder die kolwers baljaar het.
Dugmore en Brandon Buckley (nóg ʼn voormalige Gauteng-speler) het daarna minder as vier boulbeurte benodig om die wenlopies te slaan.
WATCH live: South Africa Over-40 v Zimbabwe Over-40 > https://t.co/1Ft7YSNcj8 #ClubCricketSA pic.twitter.com/3tuQXoKpAd
— Club Cricket SA (@ClubCricketSA) November 27, 2023
Suid-Afrika se pad na die eindstryd:
Klop Zimbabwe met 210 lopies
Klop Namibië met tien paaltjies
Klop Suid-Afrika “A” met 50 lopies
Namibië se pad na die eindstryd:
Klop Suid-Afrika “A” met sewe paaltjies
Verloor teen Suid-Afrika met tien paaltjies
Klop Zimbabwe met twee paaltjies
Top-kolwers:
- Nathan Jones (Suid-Afrika): 123 lopies in drie wedstryde teen ʼn gemiddeld van 123 en ʼn treftempo van 121,78.
- Werner Moolman (Suid-Afrika): 123 lopies in drie wedstryde teen ʼn gemiddeld van 67,96 en ʼn treftempo van 67,96.
- Marc Nicolle (Zimbabwe): 109 lopies in drie wedstryde teen ʼn gemiddeld van 54,50 en ʼn treftempo van 165,15.
Top-boulers:
- Lundi Mbane (Suid-Afrika): Sewe paaltjies in drie wedstryde teen ʼn gemiddeld van 6,86.
- Jaco Castle (Suid-Afrika): Ses paaltjies in drie wedstryde teen ʼn gemiddeld van 9,67.
- Hendrik Geldenhuys (Namibië): Vyf paaltjies in drie wedstryde teen ʼn gemiddeld van 10,20.
40 ook nou nie so oud nie..