Kitshoff op krukkelys

Steven Kitshoff. (Foto: X/Ulster)

Ulster het nie net sy Kampioenebeker-kwarteindstryd met 53 – 14 teen Clermont verloor nie, maar hy het ook ʼn rits spelers aan beserings afgestaan.

Steven Kitshoff (knie), Iain Henderson (toon), Rob Herring (dyspier), Nick Timoney (toon) en Stewart Moore (dyspier) is almal op die krukkelys en is nie vir Vrydag se Verenigde Rugbykampioenskap-tweestryd teen Cardiff beskikbaar nie.

Die Ierse klub het nie bevestig vir hoe lank die Springbok-stut langs die kantlyn gaan wees nie en daar is selfs ʼn moontlikheid dat hy sy laaste wedstryd vir die Belfast-span gespeel het.

Die 32-jarige stut is weer van volgende seisoen in die kleure van die Stormers te sien.

“Dis geen geheim wat Kaapstad en die Stormers vir my beteken nie. Van volgende seisoen sal ek alles in my vermoë doen om ’n verskil te maak en hopelik kan ek weer deel van iets spesiaals wees met my vriende en familie aan my sy,” het Kitshoff destyds gesê.

“Ek wil ook vir Ulster bedank; nie net vir die ongelooflike ervaring in Belfast nie, maar ook vir hul hulp en begrip deur die hele proses. Daar is nog baie dinge wat ons hierdie seisoen saam kan bereik.”

Squad Update ⚕️

The Medical Performance team has issued a squad update ahead of this Friday’s fixture against Cardiff Rugby at Kingspan Stadium:

— Ulster Rugby (@UlsterRugby) April 16, 2024

VRK-punteleer:

1. Leinster: 54 punte ná 13 wedstryde
2. Glasgow Warriors: 49 punte ná 13 wedstryde
3. Bulls: 45 punte ná 13 wedstryde
4. Munster: 43 punte ná 13 wedstryde
5. Stormers: 39 punte ná 13 wedstryde
6. Benetton: 37 punte ná 13 wedstryde
7. Ospreys: 35 punte ná 13 wedstryde
8. Ulster: 35 punte ná 13 wedstryde
9. Edinburgh: 34 punte ná 13 wedstryde
10. Connacht: 34 punte ná 13 wedstryde
11. Lions: 34 punte ná 13 wedstryde
12. Cardiff: 24 punte ná 13 wedstryde
13. Sharks: 18 punte ná 13 wedstryde
14. Scarlets: 16 punte ná 13 wedstryde
15. Dragons: 15 punte ná 13 wedstryde
16. Zebre: 15 punte ná 13 wedstryde.