Kolisi trap klei oor Afrikaans

Siya Kolisi. Foto: (AP Photo/Eugene Hoshiko)

Die Springbokkaptein, Siya Kolisi, se aantygings dat hy destyds nie tuis in die Springbokspan gevoel het nie, onder meer omdat daar net Afrikaans gepraat is en hy nie lynstaantekens verstaan het nie, is darem ʼn bietjie dik vir ʼn daalder.

Met hom as kaptein, het die Springbokke nie juis verlede jaar in Japan hul lynstaantekens in Afrikaans geroep nie?

Hoe het Beast Mtawarira dit jare lank verstaan? Wat van Pat Lambie, Malcolm Marx, Makazole Mapimpi en Lukhanyo Am, wie se eerste taal ook nie Afrikaans is nie? Wat van die destydse hulpafrigters, die Skot Richie Gray en die Engelssprekende John McFarland, wat byna nie ʼn woord Afrikaans verstaan het nie?

Toe Nick Mallet destyds afgerig het, is daar op afrigtersvlak net Engels gepraat.

Het iemand toe daaroor gekla?

Dit het my laat terugdink aan soortgelyke voorvalle, toe Eben Etzebeth se twee ooms, Skattie en Liefie Etzebeth, soos hulle bekend gestaan het, destyds vir Polisie teen die Ikeys in die Kaap gespeel het.

Dit word vertel die Ikeys, soos dit slim studente betaam wat nie hul pa’s se geld mors nie, het hoogdrawende lynstaantekens, soos “Archimedes 157, Pythagaros 113”, gebruik en dan die bal ingegooi.

Net voor rustyd  en reg langs die klubpawiljoen het Skattie bekommerd uitgeroep: “Hierdie ouens is te slim vir ons.”

Waarop Liefie hardop geantwoord het: “Ag nee, man, hulle gooi elke bal op daai **** met die rooi hare.”

Jare gelede het die destydse Transvaal die Argentynse haker Roberto Grau nader gehark. Hy is met sy aankoms direk van die lughawe af Potchefstroom toe waar Transvaal teen Wes-Transvaal gespeel het.

Francois Pienaar het toe nog die lynstaantekens (in Afrikaans) uitgeroep en Transvaal het drie balle verloor. Grau is kort voor rustyd vervang nadat Pienaar aan hom gevra het: “Roberto, do you understand English?”

Tjoepstil.

Op laerskool het ons net drie lynstaantekens gehad wat die skrumskakel voor elke lynstaan uitgevoer het. Hande agter die kop (voor in die lynstaan), hande op die heupe (middel) en hande op die knieë (agter).

Maar gewoonlik het die teenstanders dieselfde tekens gebruik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Elmarie

Siestog arme siel. Het hy matriek? Dan MOES hy mos Afrikaans deurkom om te slaag? Of het dit ook verander??

Scalla

Verskonings, verskonings, daar was beter spelers in die posissie, maar nou ja…………….

Chris

Ek het die grootste en intense simpatie met die beweging se ondersteuners, meelopers en simpatiseerders. Ek verstaan hoe dit voel om aan ‘n narsistiese minderwaardigheidswaansin te lei wat deur verwaandheidswaansin oorskadu word. Die speelveld is gelyk maar vir sekeres meer gelyk. Blameer jou voorouers vir jou herkoms.

Antoinette

Dis sommer moedswilligheid. Ek was jare betrokke by ‘n Fakulteit waar besoekende studente van ander lande dikwels 6 weke prakties daar kom doen het. Sommiges van hulle het deel van die praktiese opleiding by boere of veeartse in hoofsaaklik kleiner Afrikaans-sprekende dorpies gaan doen. Sovele van hulle kon toe hulle kom groet het ‘n heel skaflike Afrikaanse gesprek (en baie trots) met my voer. Buitelandse studente wat hulle graad alhier wou voltooi was tot en met die negentigerjare verplig om die graad in Afrikaans te voltooi, en was verplig om Afrikaanse klasse by te woon. En hulle het.Sommiges van hulle… Lees meer »

MAGRIETHA

DA baie mense in hierdie sa blankes,kleurlinge indiers wat swaargekry het in die land hetsy in watter omstandighede ookal dis nie net swart mense nie , Nou wat my bekommer as hierdie ouens sport spelers hul plekke in spanne verloor dan gaan hul die goed wat hul kwytraak weer voorgooi so ek dink sport in sa gaan nie weer diselfde wees nie , regering moet uitbly uit sport uit , lees sondag rapport vi baie sake hieroor