Die kaartjies vir die Verenigde Rugbykampioenskap-eindstryd tussen die Stormers en Munster is binne drie uur uitverkoop.
Die kaartjies is vandag aan die publiek beskikbaar gestel en die Stormers het binne ʼn japtrap op sosiale media bevestig dat daar nie meer ʼn enkele kaartjie te koop is nie.
Volgens Michael de Vries, die Kapenaars se mediabestuurder, kan 55 000 toeskouers die pawiljoensitplekke van die DHL-stadion volsit, maar ʼn meer akkurate bywoningsyfer sal eers op die dag van die wedstryd beskikbaar wees.
The Grand Final between @TheStormers & @MunsterRugby has officially SOLD OUT ????
All available tickets were sold in under 3️⃣ hours ????
The fixture will be a record attendance for DHL Stormers and for a #BKTURC Grand Final ????#URC | #UnitedWeRise pic.twitter.com/bSPnE4qjiQ
— BKT United Rugby Championship (URC) (@URCOfficial) May 18, 2023
Die kwarteindstryd tussen die Stormers en die Bulls op die einste stadion het die grootste skare nóg vir ʼn VRK-wedstryd in Suid-Afrika opgelewer, terwyl dit ook ʼn bywoningsrekord vir enige wedstryd in aanloop tot die eindstryd was.
SA Rugby het toe bevestig dat 44 109 toeskouers toe die wedstryd bygewoon het.
Die Stormers het vir ʼn tweede agtereenvolgende VRK-eindstryd gekwalifiseer toe hulle Connacht met 43 – 25 geklop het.
Jack Crowley se puik skepskoppoging het daarna die Kapenaars se tuiseindstryd teen Munster verseker.
- Die wedstryd word op 27 Mei beslis en die aksie sal om 18:30 begin.
Geld mors kyk op tv.
WP, bakermat van SA rugby.