Karlien en Joe gaan weer ouers word

Karlien en Joe (Foto: Instagram)

Die bekende “Rooilipsoene”-sangeres, Karlien van Jaarsveld, is swanger.

Karlien het aan Maroela Media bevestig dat sy vir ʼn vierde keer swanger is.

Sy het reeds ʼn tweeling, Daniël en Eliah (5), saam met haar eksman en rugbyspeler Derick Hougaard, en ʼn tweejarige dogtertjie, Elah, saam met haar man, Joe Breytenbach. Sy het ook in 2015 op 19 weke ʼn miskraam gehad met ʼn dogtertjie wat sy Evah genoem het.

Karlien is tans 13 weke swanger. “Ek is baie dankbaar en opgewonde!” sê sy. “Ek wou nog altyd vier kinders grootgemaak het. Ek is dankbaar vir my vyfde babatjie en bid vir ʼn voltermynswangerskap,” sê sy.

Al Karlien se vorige kinders is vroeggebore. Volgens haar is die drie ander kinders opgewonde om nog ʼn boetie of sussie ryker te word.

Karlien sê sy en Joe gee nie om of dit ʼn seuntjie of ʼn dogtertjie is nie, solank die baba gesond is.

Karlien by haar ooievaarstee vir Elah (Foto: Instagram)

“Die tweeling het elkeen hul verskillende voorkeure van wat hulle graag wil hê die geslag moet wees, maar ek is baie dankbaar God neem daardie besluit vir ons en nie ek nie,” sê sy.

Karlien vertel dat sy vermoed het sy is weer swanger toe sy vreemde drange na bier begin kry het.

“Ek is nie ʼn groot bierdrinker nie, ek hou meer van wyn. Maar ek was elke dag lus vir bier, en toe het ek begin dink ek is swanger. Maar bygesê, ek dink omtrent elke maand ek is swanger,” skerts sy.

Sy het toe uiteindelik ʼn swangerskapstoets gaan koop, wat positief getoets het.

Indien Karlien vir ʼn volle termyn dra, sal die baba omstreeks Maart sy of haar opwagting maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
toy

Baie geluk julle!!

Hannelie

Baie geluk en voorspoed met julle swangerskap.

Afrikaner

sy was nog net 4keer swanger nie 5 nie… n tweeling is een swangerskap.
baie geluk julle!!!!!!!!!!!!!!!!!!!!!!!!!!!!

A

Die berig sê swanger vir die 5de keer? Wat mis ek? Sover ek dit verstaan van die res van die berig is dit haar 4de swangerskap.

Faidan

Afrikaner & A, die is haar 5de swangerskap.
Haar eersteling is oorlede.