Aanhangers van Afrikaanse musiek kan hul ore spits, stoele nader trek en vere regskud vir die reusekonsert Afrikaans is Groot wat vanjaar uiteindelik weer terug op die planke gaan wees.
“Ons is baie opgewonde om te sê dat ten spyte van die struikelblokke van die afgelope paar jaar, Afrikaans is Groot vanjaar terug is.”
Só sê Johan C Venter, bemarking- en handelsmerkbestuurder van die Coleske Groep en Afrikaans is Groot.
“Dis tyd om huis toe te kom. Dis tyd dat mense weer bymekaar kom vir ’n lekker konsert.”
Dié geleentheid vind van 4 tot 6 November en weer van 11 tot 13 November vanjaar plaas. Mense kan gerus ’n sterretjie op hul kalenders maak om van dié pragkonsert te onthou.
Nóg ’n belangrike datum is 26 Julie, aangesien dit die dag is waarop kaartjieverkope vir die konserte amptelik open.
Sangers soos Karlien van Jaarsveld, Irene-Louise van Wyk, Corlea Botha en Ricus Nel het dié opwindende nuus ook op sosiale media gedeel.
“Die repertoire van Afrikaans is Groot gaan massief wees, mense gaan nie glo wat hulle sien nie,” het Venter aan Maroela Media gesê.
Wie by konserte te siene gaan wees en waar die konserte gaan plaasvind is egter nog nie bekend nie.
Ek hoop Krone is weer ook aan die gang. Dis die beste konsert met Afrikaanse kunstenaars. Ek sal eerder Krone as Afrikaans is Groot gaan sien.
Dit gaan nie dieselfde wees sonder Theuns nie.
Is Steve nogsteeds geboikot ? Indien wel. Nee dankie.
Dit is wonderlik om dit te hoor, maar ongelukkig is Krone weer gekanseleer tot 2023
Steve kan maar gaan ja, nou nie juis tyd vir hom nie…Theuns sal sekerlik vreeslik gemis word. Daarom nooit weer die selfde nie