Bekende kwaito-musikant Mandoza oorlede

Mandoza

Die bekende kwaito-musikant, Mandoza.

Mandoza, die bekende kwaito-musikant, is Sondag in die ouderdom van 38 oorlede.

EWN berig ʼn familielid van Mandoza, wie se regte naam Mduduzi Tshabalala is, het die musikant se dood bevestig. Dit is nie duidelik of hy by die huis of in die hospitaal dood is nie.

Maroela Media het vroeër berig Mandoza het die afgelope tyd om sy lewe geveg nadat breinkanker by hom gediagnoseer is. Volgens berigte het hy in Mei 2015 siek geword. Hy en sy vrou, Mpho, het egter die nuus stilgehou omdat hulle “wou fokus op sy beterskap”.

Mandoza het in April vanjaar aangekondig hy is kankervry. Die kanker het daarna egter na sy brein versprei.

Boodskappe van hartseer en medelye het Sondag op sosiale media ingestroom en #RIPMandoza was een van die top-10 gebruikte hutsmerke op Twitter. Die musikant het in 2000 multi-platinumstatus verwerf met sy album Nkalakatha.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
jean garner

Dis tragies,so n wonderlike stem,n gawe van Bo en hy sal beslis gemis word.sterkte en gebede aan sy naasbestaandes….rus in vrede

Adeline

Ag nee! Dis baie hartseer, ek was op hoërskool toe nkalakatha so gewild was, ons het naweke om gekuier! Dis so jammer, sterkte aan die musiekreus se familie en vriende?

Ck

Dis baie hartseer. Nog n groot een vir SA se musiek verlore maar nie vergete nie. Sterkte vir sy familie en vriede

Sam

Simpatie met sy familie en vriende en die hele SA! Ek stem saam Adeline, daai was ONS song naweke! So tragies :(

Foxi

Rus in vrede Mandoza