Steve se Kaboemfees

steve-hofmeyr-crop

Steve Hofmeyr. Foto: Verskaf.

Nadat ʼn herrie ʼn paar jaar gelede losgebars het toe Steve Hofmeyr sy Innibos-optrede geëindig het met die sing van Die Stem, het hy besluit om op eie stoom sy eie feeste aan te bied. Dit kom nadat verskeie borge by feeste aangedui het dat hulle sou onttrek indien Steve daar sou optree.

Verskeie radiostasies het ook op die wa gespring en van Steve se liedjies van hulle speellyste verwyder. Feeste het ook in strepe vertonings van Steve gekanselleer om borge te behou.

Volgens Steve is hy geregtig om Die Stem te sing en verteenwoordig dit slegs die Afrikaner op ʼn kulturele grondslag, hoewel die media en organisasies uit verskeie oorde Steve oor die kole gehaal het dat die sing van Die Stem die ou Suid-Afrika sou verteenwoordig.

Steve se Kaboemfees is ʼn kulturele fees waarin geen organisasie of beweging inspraak sal hê nie. Die fees sal hoofsaaklik klem lê op kultuur en waarin Afrikaanse en Boere-kultuur interaktief en kreatief aangebied word. Tradisionele kos, Afrikaanse en boeremusiek, volkspele en boeredanse, vakmanskap en boerdery asook handwerk en kunswerk sal die groot fokus wees.

Die FAK is ook genader om van die tradisionele FAK-liedjies se woorde aan die publiek in strooibiljetvorm te bied sodat daar ʼn lekker massa-saamsingfees saam met die kunstenaars gehou kan word. Die kunstenaars wat optree sal hoofsaaklik FAK-liedjies sing.

Om saam te val met die 85ste bestaansjaar van die Voortrekkers sal dié beweging hoofsaaklik die boeresport en speletjies behartig.

Die eerste Kaboemfees word op 26 en 27 Augustus aangebied te Modimolle (Nylstroom). Die finale kunstenaarslys word binnekort bekend gemaak. Kaartjies is bekombaar by www.itickets.co.za.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
pieter

STEVE, EK WENS AS AFRIKANER JOU SUKSES TOE MET DIE FEES.

Gesiggie

Well Done Steve, so bly dat jy die Toer beplan, en ek weet dat jy in Junie Laeveld toe kom, met my Country hoed en Jeans sal ek jou daar sien, Vergeet nou van die Stem,,, sing Country” Jy Rock…

Rika Lombard

You go Steve. Ek hoop jy wys Al die fees te n ding of twee

Thea

ek is daar, kan nie wag nie, dit gaan lekker lekker wees
Goed gedoen Steve !!!!!

Maria

Wel gedaan ons held. Saam staan ins saam jou en sing “Die Stem” volle bors.