ʼn See-otter wat in die VSA aandag getrek het oor haar unieke vermoë om branderplanke van branderplankryers te steel en dan op die planke te spring, ontwyk steeds vangers, berig die Los Angeles Times.
Natuurbewaarders van Kalifornië het verlede week die otter se tuiste met ʼn boot besoek en ʼn branderplank in die water geplaas as ʼn lokmiddel. Die otter het vinnig op die plank gespring, maar sodra die beamptes die plank wou terugsleep na die boot, het sy afgespring en weggeswem.
Owerhede hoop om die dier te hervestig voor sy, of ʼn branderplankryer, beseer word.
Daar is vroeër berig hoe die otter die branderplankryers nader en hulle van hul planke af dwing – sy het selfs aan van hulle geknaag.
“Dit lyk oulik, maar dit is glad nie,” het Mark Woodward op Twitter geskryf. “Hierdie otter is baie aggressief.”
Die Guardian het berig hy het foto’s geneem van plaaslike otters wat mense al ʼn paar weke lank teister. Saam met sy plasing was verskeie foto’s van Otter 841, soos sy genoem word, op iemand se branderplank. “Hierdie see-otter was baie aggressief en die branderplankryer moes uiteindelik sy plank laat vaar en na die strand toe swem.”
This may seem cute but it’s not, this sea otter was very aggressive and the surfer actually abandoned his board and swam to shore. I believe this is the same otter as in my previous photos, though I understand there was a second otter on the board at first 1/2 pic.twitter.com/VtCeOVQ9tm
— Native Santa Cruz (@NativeSantaCruz) July 9, 2023
Woodward het onlangs ʼn video gedeel van ʼn branderplankryer wat poog om die vyfjarige otter teen te staan, maar die otter is selfs nie eers afgeskrik toe die branderplankryer die plank omgeslaan het nie.
An amazing video!
This video of the sea otter attacking a surfboard yesterday was shared me and is being posted with the photographers permission. The video must remain in this tweet to be shared. This is a dangerous sea otter, avoid it if at all possible! pic.twitter.com/N7qPMFVRrt— Native Santa Cruz (@NativeSantaCruz) July 10, 2023
Volgens NBC News teister Otter 841 branderplankryers al maande lank, maar volgens die New York Times is sy al ʼn paar jaar lank betrokke in vreemde voorvalle met branderplankryers.
Dit het begin met ʼn voorval in 2021 toe sy op ʼn boot geklim het. Alhoewel see-otters gewoonlik mense probeer vermy, het hierdie otter al hoe meer vermetel geraak, berig die koerant. Volgens die koerant word soortgelyke voorvalle met wyfie- otters verbind met ʼn toename in hormone of wanneer hulle te gewoond geraak het aan mense.
Sit n tipe anker aan n plank en gee vir die otter haar eie Permanente plank
Ek weet dit lyk of sy gevaarlik is, maar miskien hou sy net van die gevoel as sy bo op die branderplank is, of sy hou van die kleure.
Orkas val deesdae seilbote aan, nou wonder ek of die seediere nie dalk besluit het om reg in eie hande te neem om hul habitat te beskerm ?