Dalk die grootste goudvis ooit?

Hunter Anderson met die massiewe goudvis (Foto: Cassie Anderson/Facebook)

Hunter Anderson van Danville, Kentucky in die VSA het ʼn massiewe weergawe van, vermoedelik, ʼn ou troeteldier van die gesin in ʼn privaat dam gevang.

Anderson se sussie het ʼn foto van hom op Facebook gedeel met die goudvis wat meer as 9 kg geweeg het. “Dis my boetie! Hy het moontlik daardie goudvissie gevang wat ons weggespoel het toe ek nege jaar oud was!” het Cassie Anderson geskryf. “Dis nie ʼn gesteelde foto nie en ons het ook nie aan die foto gepeuter nie!”

Anderson, ʼn ywerige visserman, het aan WXIA gesê hy het net ʼn stukkie brood gehad vir aas, maar hy het tog sy lyn ingegooi. “Hierdie vis was anders. Dit was die moeilikste stryd wat ek nog ooit met ʼn vis gehad het. Hy wou net nie opgee nie. Ek is baie gelukkig om hom te kon vang! Ek het gejuig en op en af gespring, want ek het nog nooit só iets gesien nie.”

Hy weet nog nie of dit die grootste goudvis is wat ooit gevang is nie.

Anderson werk deeltyds by ʼn visvangwinkel en het as klein seuntjie by sy pa leer visvang.

Hy het seker gemaak die vis keer terug waar hy behoort – terug in die dammetjie.

What you are witnessing is NOT national geographic! It is not a stolen image or edited photo! This is my brother!! Who…

Posted by Cassie Anderson on Saturday, February 9, 2019

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

17 Kommentare

Johnnie ·

Dis nou n visserman so na my hart vang hom neem n mooi foto en sit hom terug waar hy hoort.

Helene ·

Wat ‘n pragtige goudvis!! Bly hy is teruggegooi in die dam.

Paul Greyling ·

Ek het in die middel 90’s vir ontspanning by die Hambergdam in Florida aan die Wesrand gehengel. Ook so ‘n Goudvis gevang maar hy het nie eers ‘n Kg geweeg nie. Foto geneem en teruggeplaas in die dam. Ongelukkig is my foto asook die negatiewe deur ‘n onbedagsame persoon sonder my toestemming uit my huis verwyder terwyl ek nie daar was nie.

Anoniem ·

Ek is bly hy het die vis teruggegooi in die water.. Ek hou self van vis. Vis is lekker.. maar soms, wanneer iemand ‘n GROOT ou kabeljou of pylvis of wat-ookal vang… dan voel ek hartseer om te dink hoeveel dekades oud die dier moes wees en wat hy als beleef het.. Dis dan vir my half jammer dat so ‘n lewe beeindig moet word… Selfde met ou bome..

Jan ·

Nonsens enige dier met senuwestelsel voel pyn net soos jy. Of hy warmbloedig of koudbloedig is maak geen verskil nie want pun word dear die senustelsel gevoel nie deur die bloed nie.

AI ·

cr. Het jy al ‘n vis gevra of dit waar is dat hulle nie seekry nie.

En nou? ·

Ek het al n vis gevra, maar jy sal my nie glo nie! Hy het my nie geantwoord nie!

Jan ·

N vis en enige ander dier voel pyn nes n mens want sy senustelsel wat pyn registreer werk nes n mens sin.of hy warmbloedig of koudbloedig is maak nie saak nie.dis net n ou kroegstorie dat visse nie pyn kan voel nie vra vir enige veearts

Jan ·

Alle diere se senustelsels is soortgelyk aan die mens sin en hulle voel pyn nes jy

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.