(Foto: muntazar mansory / Pixabay)
Mense wat in ʼn kantoor werk, sit soms 14 uur lank per dag. Eenvoudige oefeninge elke uur kan jou gesondheid beduidend verbeter.
Volgens navorsing in die British Journal of Sports Medicine sit mense wat kantoorwerk doen, sowat 75% van hul dag. Active Research, ook gebaseer in die Verenigde Koninkryk, voer aan sommige mense sit tot 14 ure per dag.
Die impak om só lank elke dag te sit, is kommerwekkend. Een studie het bevind dat dit gevaarliker is vir jou gesondheid om agt ure lank elke dag te sit en net op te staan om die badkamer te gebruik, as wat jy elke uur vir vyf minute lank stap.
Shona Vertue, ʼn persoonlike afrigter en yoga-instrukteur, het aan Marie Claire gesê om gereeld te beweeg verbeter jou sirkulasie, kognitiewe vermoëns en self immuniteit – om maar net ʼn paar voordele te noem.
Volgens die Britse nasionale gesondheidsdiens kan jou metabolisme vertraag word as jy vir lang periodes stilsit. Dit het ʼn impak op die liggaam se vermoë om bloedsuiker en bloeddruk te reguleer en om liggaamsvet op te breek.
Jy kan dit egter voorkom deur elke dag ʼn paar oefeninge by jou lessenaar te doen. Dit is “eenvoudige, gratis en doeltreffende maniere” om jou spiere te versterk.
Hollie Grant, ook bekend as The Pilates PT, het ʼn eenvoudige manier gedeel “sonder om soos ʼn idioot te lyk in die kantoor”. In haar gesprek met Marie Claire beveel sy aan dat jy een keer per uur in die kantoor rondloop. “Deur jou spiere deur die loop van die dag los te maak en te gebruik is ʼn uitstekende toevoeging tot jou huidige oefenroetine.”
Jy kan ook ʼn paar strekke doen – dit is “ʼn eenvoudige manier vir besige mense om beweging by hul dagtaak by te voeg”.
“Jy moet jou liggaam ondersteun om sterk, fiks en mobiel te bly. Oefeninge by jou tafel kan ʼn gerieflike manier wees om gesonde beweging in jou besige dag te integreer.”
Sy beveel aan dat jy vir elke 90 minute wat jy sit, sowat 10 minute lank staan of strek, met 30 minute van meer veeleisende oefening voor of ná werk.
Klik hier om te lees watter oefeninge jy kan doen.
@mad_fit OFFICE DESK YOGA. Most of us are SITTING majority of the day. Take a few minutes out of your day to OPEN UP that chest and stretch out those shoulders! Your body will thank you! #fyp #deskstretches #officeyoga #deskyogachallenge #mobility #flexibility #yoga #fitnesstips #workout #workoutroutine #fyp #foryou
@sydneejainefitness ????DESK STRETCHES PART 1 ???? Here are 2 simple and important neck stretches you can do at your desk throughout the day without looking crazy. Tag your friends who need these! #deskstretches #neckstretches #movementismedicine #dailystretch #youwontlookcrazy #neckpain #corporatelife #atyourdesk #liveyourbestlife
@mackfamilychiro Stretch out your quads at home! Use a chair, couch, or anything else around the same height. Hold each stretch for 30 seconds #fyp #chiropractortiktok #quadstretch
@stormiebrooks_ How loose do you want your bum to be?! #glutestretch #glutes #glute #piriformis #piriformissyndrome #piriformisstretch #hip #hipstretch #sittingstretch #chairstretch #officefun #officeworker #computerwork #drivers #relaxedmuscles
