ʼn Teekoppie ter waarde van 10 miljoen Japanse jen (sowat R1,2 miljoen) is uit ʼn winkel in Japan gesteel. Die bestuur van die winkel het Donderdag die diefstal ontdek.
Die teekoppie, gemaak van 24 karaat goud, het uit Takashimaya se tak in Tokio verdwyn. ʼn Uitstalling van goue items word in dié tak te koop aangebied.
Die gesteelde teekoppie was een van die duurste van die meer as 1 000 stukke blink tee- en eetgerei en ander artefakte wat op uitstalling is, het ʼn woordvoerder van Takashimaya aan AFP gesê.
“Dit is in ʼn deursigtige boksie, wat nie gesluit was nie, gehou. Klante kon dit maklik uithaal om dit van naderby te beskou.”
Beeldmateriaal wys hoe die man die teekoppie in sy sak druk en van die toneel vlug, het plaaslike media berig. Die polisie is op soek na die verdagte.
Die uitstalling duur voort, maar Takashimaya sal sy sekuriteit opskerp.
Ontspan, dit is net ‘n tee koppie, geen tee koppie is R1.2 werd nie.
@Hussin, teen R42,000 per gram kan die koppie dalk so baie werd wees. Net, watter tee sal jy drink uit die koppie, Laager of Joko?
@Nommer 7, nee, dit is net ‘n bemakings ding. Soos baie goed. So dink mense tot vandag toe dat diamante waardevol is. Moeilik om te bekom. Nee. Bemarking. Word die koppie vir tee gebruik? Duidelik nie. So waardeloos. ‘n tee koppie se waarde le in dit waarvoor hy gebruik word. Nie regtig waarvan hy gemaak word nie. Is goud regtig waardevol? Wie het dit besluit.
Ek dink jy drink VYF ROSE daaruit. Die vyfde roos vir jou, my … lat.