Argieffoto (Foto: Mirexa/Pixabay)
Alta Strauss
bring vir my ʼn ruiker
van jasmyn en lemoenbloeisels
dans met my op mentblare
onder die sterre
wat kleur bring aan die nag
wys my die hele wêreld
maar wees lief vir my in Afrikaans
sing vir my ʼn liedjie
net vir my
sing vir my ʼn liedjie
wat saggies soos die laatreën
in my siel kom val
dis al.
- Die gedig is oorspronklik deur die Federasie van Afrikaanse Kultuurvereniginge (FAK) gepubliseer en dit word met vergunning van die digter op Maroela Media gedeel.
- Ter wille van die konteks van hierdie gedig en ter wille van erkenning aan die digter versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red
Mooi.