Die onafwendbare finansiële rewolusie

Deur Frank Karsten

(Foto: Art Rachen/ Unsplash)

“Kom vir die gierigheid, bly vir die rewolusie” is ʼn gevleuelde gesegde van Bitcoin-deskundiges. Jy hoef nie ideologiese redes te hê om hierdie kriptogeldeenheid aan te koop nie – want dit help buitendien om hul finansiële revolusie te verwesenlik.

Bitcoin is “toestemmingloos” omdat daar geen sentrale organisasie is wat bepaal of iemand toegelaat word om iets te doen nie. Enigeen kan deelneem, en niemand het toestemming nodig om ʼn transaksie te doen nie.

Maar as jy Bitcoin wil koop, is dit ongelukkig nie so maklik soos om dollars of rande by die bank om te ruil nie. Daar is geen winkel waar jy dit kan koop nie, en jy kan dit nie by aanlyn winkels bestel nie.

Gelukkig is daar spesiale ruilkantore op die internet waar jy kriptomunte, die sogenaamde beurse, soos die Amerikaanse Coinbase en die Nederlandse Bitonic kan koop.

Omdat hulle finansiële instellings is, moet hulle aan die sogenaamde KYC (Know Your Customer)-wetgewing voldoen. Gevolglik is die registrasieproses vir nuwe kliënte taamlik moeisaam, en hulle moet hulself met ʼn paspoort of bestuurslisensie identifiseer. Sodra dit gedoen is, kan jy ʼn kriptogeldeenheid koop en transaksies deur hul webwerf maak. Die beurs bestuur dan jou rande en kriptogeldeenhede, net soos ʼn gewone bank.

Wat veiligheid en sekuriteit betref, is dit nie optimaal nie omdat die maatskappy byvoorbeeld bankrot kan speel. Toe kriptogeldbeurs FTX verlede jaar op ʼn skouspelagtige manier ondergegaan het, het talle kliënte hul kripto-munte verloor. Daarom is die leuse van bitcoiners: “Not your keys, not your coins”, wat beteken dat jy eers werklik jou munte besit as jy dit ook self bestuur.

Dit is moontlik met ʼn gratis sagteware-beursie op jou slimfoon. Jy is dan jou eie bank. Ek is self entoesiasties oor die Muun-beursie omdat dit so eenvoudig is en nie persoonlike registrasie vereis nie. Boonop ondersteun Muun die nuwe Lightning Network, wat goedkoop en vinnige transaksies moontlik maak.

Ongelukkig kan jy nie Bitcoin met die Muun-beursie koop nie, maar jy kan dit van die beurs af oordra. Met jou sagteware-beursie kan jy dan allerhande transaksies doen en byvoorbeeld vir ʼn koffie in ʼn kafee betaal. Maar die meeste mense sal dit net hou omdat hulle dit as ʼn belegging sien.

Daardie sagteware-beursies is redelik veilig, maar nie so veilig soos ʼn hardeware-beursie nie. Dit is klein USB-toestelle waarop die sleutels gestoor word. Aangesien hulle gewoonlik nie aan die internet gekoppel is nie, word hulle beskou as veiliger teen kuberkrakers as sagteware-beursies. Bekende handelsmerke is Trezor (trezor.io) en Ledger (ledger.com). Omdat dit nogal moeisaam is om dit te koop, op te stel en te beveilig, word dit slegs aanbeveel vir mense wat ernstige bedrae in Bitcoin belê het.

Die beste manier om kennis te maak met Bitcoin, sonder KYC, is om iemand te ken wat dit reeds besit. Dan wys dit ook hoe “toestemmingloos” dit is. Jy installeer die Muun-toepassing binne minute op jou foon en gee daardie persoon ʼn bepaalde bedrag rande. Jy klik eenvoudig op “Ontvang” en die ander persoon skandeer dan jou kode om dieselfde hoeveelheid Bitcoin binne sekondes oor te dra.

Dit hoef nie langer as vyf minute te neem nie. Jy kan dan self transaksies maak en ervaar hoe eenvoudig dit is.

Jy kan dan die potensiaal van Bitcoin begin sien en daarin wil belê. In daardie geval kan jy jou aankope by ʼn beurs doen. Ek wens jou ʼn goeie opbrengs toe, maar ek waarborg natuurlik niks nie. Die lekker ding is dat jy jouself as ʼn revolusionêr kan beskou, want jy is deel van die finansiële revolusie wat Bitcoin blyk te word.

• Frank Karsten is die skrywer van The Discrimination Myth (discriminationmyth.com) en mede-outeur van The Democracy Beyond (beyonddemocracy.net).