Misdaad in Suid-Afrika: Die skreiende werklikheid

Bheki Cele. Foto: @GovernmentZA/Twitter

Deur Lorraine Claasen

Die minister van polisie, Bheki Cele, het op 12 September 2019 Suid-Afrika se jongste misdaadsyfers by die parlement in Kaapstad bekendgemaak. Die syfers vir die 2018/’19-boekjaar is skokkend en beaam die werklikheid dat Suid-Afrikaners in vrees lewe. In elke jaarlikse verslag word ’n misdaad geïdentifiseer wat feitlik daagliks plaasvind, wye mediadekking kry en gefokusde aandag van die SAPD geniet. In 2017 was dié misdaad plaasaanvalle, in 2018 was dit transitorooftogte en hierdie jaar is geweldsmisdaad teen vroue en kinders, met goeie rede, onder die vergrootglas.

Al wissel die syfers jaarliks, toon geen kategorie in die kontakmisdaad-groepering ’n afname nie. Altesaam 617 210 kontakmisdade is in hierdie tydperk aan die SAPD gerapporteer en sluit moord, poging tot moord, seksuele oortredinge, aanranding, aanranding met die doel om ernstig te beseer, roof en roof met verswarende omstandighede in. Altesaam 52 420 sake van seksuele oortredinge is in dié tydperk geopen – ’n toename van 4,6%. Alhoewel dié soort misdade meestal “agter geslote deure” plaasvind, en gevolglik moeilik is om te voorkom en te polisieer, is dié syfer waarskynlik hoër omdat die misdade nie altyd aangemeld word nie.

Die land se reaksie die afgelope paar weke op geweld teen vroue en kinders is dus sonder twyfel geregverdig. Kontakmisdade waarin kinders die slagoffers was, het met 3,9% toegeneem – in 899 gevalle wat gerapporteer is, is seksuele misdade teen kinders gepleeg en 29 kinders is in dié tydperk vermoor.

‘Afname in die toename’ troos min

Met 170 979 insidente het aanranding met die doel om ernstig te beseer die hoogste syfers van al die kontakmisdade. Aanrandings (common assault) het met 5 769 insidente toegeneem tot 162 012 gevalle wat by die SAPD aangemeld is. Roof met verswarende omstandighede het ook toegeneem – 140 032 gevalle is aangemeld. Tog meen Cele dat dié stygings laer is in vergelyking met die vorige finansiële jaar, ten spyte van sy belofte in die 2017/2018-bekendmaking dat Suid-Afrikaners ’n afname in misdaad kan verwag.

Volgens die SAPD is argumente of misverstande, huishoudelike geweld, bendegeweld en gewapende roof die vernaamste oorsake van moord. Moord het ook met 3,4% toegeneem – altesaam 21 022 insidente is aangemeld. Vuurwapens is in 7 156 van dié gevalle gebruik, en messe in 4 720 gevalle. In die Wes-Kaap was bendegeweld verantwoordelik vir 938 moorde uit 4 720 insidente wat in die provinsie aangemeld is. Uit 27 813 insidente van aanranding met die doel om ernstig te beseer, is argumente ook as die vernaamste rede aangedui.

Buiten die sewentien kategorieë van ernstige misdaad wat die publiek aangemeld het, het misdaad wat die SAPD self opgemerk en gerapporteer het, met 21,8% gedaal. Dié misdade sluit die onwettige besit van vuurwapens en ammunisie, dwelmverwante insidente, dronkbestuur en seksuele oortredings in. Hierdie daling is egter nie positief nie, aangesien 94 685 minder misdrywe as in die 2017/2018 tydperk deur die SAPD se direkte optrede aangeteken is. Dit is nodig om vas te stel of polisie-sigbaarheid werklik ’n suksesvolle afskrikmetode is, en om die sukses van misdaadbekampingstrategieë in sogenaamde hotspots te bepaal. ’n Strategie of aksieplan wat ten doel het om ’n sekere tipe misdaad te verhoed, of op ’n sekere gebied van toepassing is, kan slegs positiewe uitkomste hê as die implementering en deurgaanse evaluering daarvan suksesvol bestuur word.

Cele sê dit is noodsaaklik dat akademici en kenners met die SAPD saamwerk. Redes vir die toenames in geweld, asook die oorsake van geweldsmisdade wat oor naweke gepleeg word, moet ondersoek word. Alhoewel navorsing oor hierdie onderwerpe belangrik is vir enige misdaadbekampingstrategie, het Suid-Afrikaners na dese “minder praat en meer doen” nodig.

Genl. Khehla Sitole, die nasionale polisiekommissaris, het op ’n onlangse skriftelike navraag van die DA gereageer en gesê dat die aantal polisiereserviste oor die laaste nege jaar met 96% afgeneem het. As dit wel die geval is, het die wetstoepassers van Suid-Afrika geen duidelike plan om die landsburgers se veiligheid in die nabye toekoms te verseker nie.

Tabel: Verskaf.

Die tabel is ’n uittreksel van die SAPD se CRIME SITUATION IN REPUBLIC OF SOUTH AFRICA TWELVE (12) MONTHS (APRIL TO MARCH 2018_19)” voorlegging.

  • Lorraine Claasen is ‘n navorser by AfriForum.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

FrisFrikkie ·

Hoekom lyk die minister of die ligte aan is maar daar is niemand by die huis nie ?

waarheid ·

Frikkie ek stem saam,
Met so ‘n hoof van polisie kan dit eenvoudig net nie goed gaan nie.
Comrade in beheer voorspel niks goeds nie – dis verseker.

Gemaskerde Sopbeen ·

As ek ‘n betaal word om ‘n diens te lewer en ek doen dit nie, maak my kliënte my deure vir my toe. Dis tyd dat die regering begin verantwoordelik gehou word vir die dienste waarvoor die belastingbetaler betaal, en nie ontvang nie. Moord slagoffers se boedels en hulle naasbestaandes behoort kwytgeskeld te word van enige vorm van belasting aan die staat………..want die staat het hulle gefaal in hulle EERSTE basiese konstitusionele reg, nl. die reg op veiligheid en sekuriteit. Waar is ons konstitusionele experts….dis tyd om “verantwoordbaarheid” te begin afdwing!!

SjN ·

Kan of wil hul nie besef na 25 jaar dat hul nie opgewasse is vir die taak nie?

Suzette Geringer ·

Mnr die “hoed”kapper jy vra vir hulp van akademici en kenners, maar wanneer julle die raad kry word dit van die tafel af gevee want die een wat die raad gee is nie die regte kleur nie.
Die regering van hierdie land het dit in die toestand in bestuur. ALLES het ten gronde gegaan sedert 1994.

emily ·

Dink julle nou regtig ons glo die statistieke, Dit is baie meer, Maar soos gewoonlik word die waarheid van ons weerhou.

Jerry ·

Solank as wat daar van die regerende party se politici en staatsamptenare is wat by georganiseerde misdaad betrokke is, sal misdaad aanhou gedy en wetstoepassing en vervolging daaronder ly. Die goeie rede waarom diegene wie uitgevang word, nie vervolg word nie en slegs herontplooi word, is omrede die ander ook betrokke is, maar nog nie uitgevang is nie! Indien die wet en vervolging toegepas word teen n rewolusionere kader, word dit as n anti rewolusionere daad geag, n daad wat die doodsvonnis beteken. Dus sit jy eerstens hier met n “revolutionary failed state”. Die misdaad situasie het nog nie een jaar verbeter nie, maar net versleg ten spyte van hoeveel ministers, akademici, kundiges ens. se dinkskrums. Die voor die hand liggende rede is dat diegene wie betrokke is by georganiseerde misdaad en gewone tipe misdade in besit gestel word van misdaadbestrydingsdenkskrumsvoorstelle en die operasionele planne wat daaruit voortvloei. Misdadigers weet dus wat die SAPD se teenmisdaadstrategie en operasionele planne is en kan daarom hulle modus operandis aanpas en steeds die misdrywe pleeg en daarmee wegkom. In sommige gevalle is dit dieselfde misdadigers wat meer en meer misdrywe uitvoer omrede hulle nie gearresteer en vervolg kan word nie, dit is nie noodwendig dat meer oortreders tot misdaad toe tree nie, alhoewel georganiseerde misdaadsindikate wel hulle getalle sal begin uitbrei soos en wanneer hulle aktiwiteite begin toeneem. As jy nie weet wat die oorsaak is nie of doelbewus oneerlik is daaroor, sal jy nie die oplossings vind nie!

Johanna Botha ·

Ja die anc doen niks om dit te verbeter nie …jaar na jaar is daar planne …maar moord en verkragting bly opgaan ….die anc en polisie is useless maar soos in zim wil die mense dit so he …jy kry mos waarvoor jy stem ….dan nie ?

aj ·

Herverdeling van rykdom vind in SA plaas onder die dekmantel van MISDAAD.

Deur onbevoeg te ‘speel” om ‘misdaad’ (herverdeling) te stop, verhoed die ANC dat daar teenreaksie kom van die Weste.

Daar is niks ’buite beheer’ in SA nie … die Nasionale Demokratiese Rewolusie is presies op skedule.

Die ‘have-nots’ vat die ‘rykdom’ weg van die ‘haves’ … en ‘n paar dom Wittes verkeer onder die wanindruk dat dit net ‘misdaad’ is!

Paddas in die pot!

J ·

Misdaag is buite beheer. SAPS en minister is te min om onderbeheer te bring. Ooglappe word gedra

Petrus Heigers ·

cele jy dink seker ons is almal ongeletterd (Dit blyk dat slegs sekere lede van die ANC parlement jou gemors sal glo). Volgens jou tabel is dit baie duidelik dat alle items net met ‘n bepaalde faktor verhoog is. Hoe dan nou dat ons gereken word as een van die lande met die hoogste misdaad syfer ter Wêreld! Sies man waar is jou integreteit

aj ·

Die ANC speel die “good cop / bad cop” speletjie met die land. Zuma is die “bad cop” en Cyril die “good cop” van dieselfde ANC span.

“Bad cop” dreig die vryemark gesindes met die ‘stok’ van rewolusie, onteiening, … en dreunsing ‘umshini wami’ en ‘dubula ubunu’ .

‘Good cop’ praat saggies in ‘n gesofistikeerde aksent en swaai die “aanloklike wortel” van wetsgehoorsaamheid, korrupsiebeheer, misdaadvervolging en ekonomiese groei, ensovoorts.

Dié ANC strategie van “good cop/bad cop” gebruik die “stok” en die “wortel” metode om ál die bokkies, skapies en onwillige donkies ALMAL in die ANC kraal te kry. … … waarna die hek sal toeswaai ….
… deur die drukgang … na die slagpale van ‘n kommunistiese diktatorskap.

Wat die media as ‘staatskaping, korrupsie en plundering’, bestempel, is inderwaarheid ‘n magsoorname om totale beheer uit te oefen.

Daarom dien die Zondo kommissie as huisskoonmaak operasie van al die dislojale vyande van die rewolusie.

Daarom word al die fluitjieblasers (meestal Wittes, Indiërs en Kleurlinge) vervolg terwyl die sg. kapers onaantasbaar bly. Die magsgreep word sodoende voortdurend versterk!

Johanna Botha ·

Misdaad OP !
Verkragting OP !
Werkloosheid OP !
Petrol OP !
Kragpryse OP !
Dienslewering AF
Sakevertroue AF
Rand AF !
Dankie anc dit is wat julle veroorsaak deur al die dom besluite en korupsie !
Mens kry mos maar presies waarvoor jy stem !

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.