Ek sal hulle God wees. (Jeremia 31:33)
Hierin lê alles wat jy nodig het. Jy wil iets hê wat bevredig; is hierdie nie genoeg nie? As jy hierdie belofte in ’n beker kon skink, sou jy dan nie saam met Dawid kon sê: “My beker loop oor” nie (Psalm 23:5, Bybel in Afrikaans 1933/1953)? As God jou God is, het jy dan nie alles nie? Wie kan die volle kapasiteit van ons wense meet? Maar die onmeetbare rykdom van God strek verder as dit. Is jy nie vervuld wanneer God joune is nie?
Met God het jy musiek goed genoeg vir die hemel, want Hy is die Skepper van die hemel. Al die musiek van die mooiste instrumente kan nie vergelyk met die melodie van sy soete beloftes nie. Woon in die lig van die Here en laat jou siel betower word deur sy liefde. Leef volgens jou voorregte en verbly jou met onuitspreeklike vreugde.
Bron: Elke nuwe dag deur Charles H. Spurgeon
Uitgewer: Christelike Uitgewersmaatskappy/CUM
Amen !!!!!
Sowaar. Hemelse klank wat ons almal sal ervaar.
Dankie Here my beker loop ook oor…Amen