Gedagte vir die dag: ’n Brief van Christus          

koring_stiltetyd_pixabay.jpg

Foto: pixabay.com

Dit is tog duidelik dat julle ’n brief van Christus is, deur ons diens geskrywe, nie met ink nie, maar met die Gees van die lewende God, nie op klip nie, maar op die harte van mense. (2 Kor 3:3)  

So dikwels het ek die trekker al die grond sien omploeg. Ons doen dit elke dag en die hele dag wanneer ons die grond vir die saad voorberei. Op die regte tyd sal ons dan die oes insamel. Om te kan oes, moet ons deur die sleurwerk van ploeg gaan. Wanneer die trekker breek, moet ons dit regmaak en verder ploeg. Ons moet ploeg in die reën en in die sonskyn sodat ons op die ou end die oes kan insamel. Geduld en volharding – dit is wat ons dan nodig het.

Dieselfde is waar in ons daaglikse lewe. Ons moet met geduld en volharding die evangelie verkondig sodat die Here die oes kan insamel wanneer Hy weer kom. Ons moet ’n brief van Christus wees wat ander mense kan lees en hulle lewe aan die Here kan oorgee. Dit is nie altyd maklik om die geduld en volharding te hê om ’n brief van Christus in hierdie lewe te wees nie. Wanneer ons volhard, sal ons die onverganklike, onbesmette en onverwelklike prys ontvang wat God in die hemel vir ons bewaar (1 Pet 1:4). Die Here sal ons krag hernu wanneer ons swak is. Hy sal vir ons die krag gee om op arendsvlerke te sweef, om te hardloop en nie moeg te word nie, om te loop en nie afgemat te raak nie (Jes 40:31).

Heilige Gees, gee vir my die geduld en volharding om die goeie nuus van Jesus Christus te verkondig totdat Hy te rugkeer. Amen

Bron: Aartappelgeloof vir elke dag deur Angus Buchan
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Lena Jonk ·

Asb Jesus gee vir ons die geduld en deusettingsvermoe om in hierdie fel stryd in die lewe vandag met U Genade te kan volhou om teen satan se magte te kan veg. Dankie dat U daar is vir ons.

Sarie ·

Ek is moedeloos as enkel ouer gesukkel om my kind finansieel op universiteit te hou. Dit voel vir my ek bid en bid, Here help my asb, maar Hy verhoor nie my gebede nie. Here help my asb om vir my ‘n ondersteuning stelsel te gee.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.