Jesus het van die tafel af opgestaan, sy bo-klere uitgetrek, ’n doek gevat en dit om Hom vasgebind. Daarna het Hy water in ‘n wasskottel gegooi en begin om sy dissipels se voete te was en dit dan af te droog met die handdoek wat Hy omgehad het. (Johannes 13:4-5)
Weereens laat die Meester so baie van ons ons kop in skaamte sak.
’n Waardevolle les wat ek oor die verkondiging van die evangelie geleer het, is dat ’n mens nooit neerbuigend teenoor mense moet praat nie. So dikwels wanneer ’n prediker met ’n bediening begin, is hulle baie nederig, maar hoe meer hulle preek, hoe groter raak die risiko dat hulle arrogant en hoogmoedig raak. In plaas daarvan om God se skape te versorg, begin hulle God se skape veroordeel. Dit is nie wat die Here wil hê ons moet doen nie.
Jesus het gesê as jy die grootste in die koninkryk van God wil wees, moet jy bereid wees om die minste te wees. Hy het dit gewys, nie net deur wat Hy die mense geleer het nie, maar ook deur sy dissipels se voete te was.
Ons moet ons broers en susters dien terwyl ons nog kan. Maak vandag seker dat mense jou, ’n dienaar van God, nie as baasspelerig ervaar nie, maar jou as ’n nederige dienaar sien. Jy sien, die woord “bediening” beteken letterlik “om te dien”. En nederigheid is die teken van ’n groot man en vrou van God. Hoekom? Want Jesus self is nederig.
Ek hou van predekers wat mense “veroordeel” soos u sê,ek gaan beslis nie kerk toe om te hoor hoe goed ek is nie,nie een van ons is goed ongekukkig,ek wil gevul word met die vrees van God en nie gemaklik voel binne die kerk in my sondes nie,PS ek sê dit in nederigheid
@ Duncan.Ek kan nie met jou skrywe saamstem nie.Jy kan nie in nederigheid sê dat jy met die vrees van God vervul wil word nie.Nederigheid is deel van die Heilige Gees en God gee nie vir ons ‘n Gees van vrees nie maar van Liefde en selfbeheersing.Alle mense is sondaars,maar God spreek ons vry uit genade op grond van Jesus Christus se dood.Hy spreek mense vry net op grond van hulle geloof, en dit geld vir alle mense.As jy nie glo nie,is die kanse goed dat die vrees jou sal oorval.
I can do all things through a verse out of context
If that is you my friend,full strength for you.God bless.