Foto: Crosswalk.com
Bid gedurig. (1 Tessalonisense 5:17)
Een van die grootste teenslae in die gebedslewe is die feit dat die antwoord nie altyd so vinnig kom as wat ons verwag nie. Wanneer ons dit in gedagte hou, kan ons egter insien dat daar ’n rede vir die uitstel is. Ons begeerte moet dieper en sterker word, en ons moet met ons hele hart vra.
“Bid sonder ophou.” Jy sal vind dat dit onuitspreeklike seën inhou. Jy sal vra of jou gebed werklik volgens God se wil en sy Woord is. Jy sal jou afvra of jy in die regte gees en in die Naam van Christus bid. Hou aan bid, jy sal vind dat uitgestelde gebedsverhoring een van die kosbaarste instrumente van God se genade is.
