Argieffoto (Foto: Aaron Burden/Unspalsh)
“Julle hart behoort oor te loop van blydskap omdat julle aan die Here behoort. Ek sê weer, julle moet baie bly wees” (Filippense 4:4).
Skrifgedeelte
Filippense 4:4
Oordenking
Ons vergeet so gou. Al het ons duisend maal gehoor dat God ons liefhet en dat ons sy kosbare kinders is, vergeet ons dit die oomblik wat die lewe ons stamp. Dan sien ons net die swartgallige prentjie van alles wat verkeerd is.
Onthou vandag ’n slag dat die hemelse Vader jóú uitgekies het om eendag langs sy troon te sit. Onthou dat Hy aan jou belowe dat Hy jou nie een oomblik van jou lewe alleen sal laat nie, dat jy deur Hom enige situasie kan hanteer en dat Hy jou elke dag met sy liefde wil omhels. Skryf die woorde van Filippense 4:19 op jou hart: “Hy sal vir julle sorg deur vir julle te gee wat julle nodig het. Dit sal Hy doen omdat julle aan Jesus behoort”.
- Hierdie oordenking verskyn in Moed vir elke môre deur Milanie Vosloo. Dit word goedgunstiglik deur die Christelike Uitgewersmaatskappy (CUM) verskaf.
Amen
Amen