“Die Here was baie goed vir my. Ons God het my soos ʼn ma in sy liefde toegevou” (Psalm 116:5).
Skrifgedeelte
Psalm 116:5
Oordenking
Koesterliefde is die liefde van ʼn ma vir haar baba, van ʼn jong verliefde paartjie teenoor mekaar, van ʼn dierbare vriendin wat opreg omgee en van die Vader vir jou! Ja, God se liefde hou jou met teerheid in sy arms, dra jou op sy hande en kyk na jou met die grootste deernis.
Laat jy toe dat God jou koester? Of is jy so besig om “self” te probeer oorleef dat jy Hom nie toelaat om dit te doen nie? Dalk mis jy juis as gevolg van jou onafhanklikheid en selfstandigheid jou Vader se heerlike teerheidsliefde vir jou.
- Hierdie oordenking verskyn in Moed vir elke môre deur Milanie Vosloo. Dit word goedgunstiglik deur die Christelike Uitgewersmaatskappy/CUM verskaf.
Dankie Here Jesus U het vir ons die pad van die grootste em mooiste suiwerste liefde gestap wat die wêreld nog ooit gesien of van gehoor het…Amen