Hulle het almal eensgesind volhard in die gebed. (Handelinge 1:14)
God se kinders kom bymekaar om hulle hart in verenigde gebed tot God op te hef. Daardeur word Christene nader aan mekaar getrek. Diegene wat swak is, word deur die getuienis van die ouer, meer ervare lede versterk en bemoedig, en selfs jong Christene het die geleentheid om hulle vreugde in die Here met ander te deel.
Deur voorbidding word God se seën uitgestort. Gebed behoort God se mense en sy kerk reg oor die wêreld in te sluit. Jou lewe is deel van die liggaam van Christus. Net soos die boomwortels diep onder die aarde deel vorm van die takke wat na die hemel uitstrek, is die verborge gebedslewe onafskeidbaar deel van gesamentlike gebed.
Dankie Vader, Seun en Heilige Gees, dat ek vir mense oor die hele Wêreld kan bid, veral ons stukkende land. Dat ander vir my kan bid.
Amen
Heer dankie vir die voorreg om tot U troon te kan nader in gebede ….U is my Skuiling en my Rots…Amen