Die Here God vra vir die vrou: “Hoe kon jy so ’n ding doen?” “Die slang het my bedrieg,” antwoord sy. “Dis hoekom ek geëet het.” (Genesis 3:13)
Dit is glad nie lekker om te weet jy is verkeerd nie. Om dit te erken, is selfs nog moeiliker. Wat sal ander mense van jou dink? Wat sal almal sê? As jy egter hieroor kan kom, sal jy agterkom dit maak jou regtig vry wanneer jy jou tekorte en foute kan herken en erken. Ek praat nie van daardie “ja, maar … ”-belydenisse nie. Onthou jy nog Adam en Eva se flou poging in Genesis 3? Hulle het vinnig-vinnig die blaam vir hulle foute verskuif. Adam het gesê dis Eva se skuld, en sy het die slang blameer. Moenie dit doen nie. Dit maak net dat jy nog meer verdedigingsmeganismes in plek moet stel om jou verkeerd-wees toe te smeer. Dit maak jou hard en oneg.
Die Here wil ook nie hê jy moet dit doen nie. Hy kan net iets doen met ’n hart vol berou. Hy kan verkeerde dinge afskryf en nuut begin. As God dit vir jou doen, kan jy ook ’n bietjie meer genadig met jouself wees. Dan kan jy eerlik erken wanneer jy verkeerd is.
Net wat ek nou Nodig gekry het
Amen
AMEN!