Foto: Pixabay.com
Sy sal ’n Seun in die wêreld bring, en jy moet Hom Jesus noem, want dit is Hy wat sy volk van hulle sondes sal verlos. (Matteus 1:21)
Die lewende Christus maak Homself aan ons bekend en deur die mag van sy liefde word ons liefde vir sonde verdryf. Deur ons persoonlike gemeenskap met Jesus word ons van ons sondes gered. Ek moet met my hele hart en al my sondes na Jesus toe kom, die almagtige, persoonlike Verlosser in wie God se heiligheid rus.
Namate ek en Hy deur die werk van sy Heilige Gees in my hart gemeenskap het, sal sy liefde alle sonde verdryf en oorwin.
