Die Here is my herder, ek kom niks kort nie. Hy laat my rus in groen weivelde. Hy bring my by waters waar daar vrede is. Hy gee my nuwe krag. (Psalm 23:1-3)
Is jy moeg vir al die angstigheid en terneergedruktheid in jou lewe? Het jy vandag vrede nodig? Het jy lei ding nodig? Is jy moeg van die uitsiglose omstandighede, van die teleurstelling in die land se politieke situasie, in jou familie se situasie, in jou gesondheid of in jou geldsake? Kyk vandag weg van hierdie dinge af en vertrou op Jesus. Hy is jou Herder. Jy sal niks kortkom nie. Hy sal jou soos ’n eregas ontvang en jou met hartlikheid oorlaai.
Jou Herder is ook die Lig vir die wêreld. As jy Hom volg, sal jy nooit in die duisternis wandel nie, maar die lig van lewe ontvang (Joh 8:12).
Jesaja 26:3-4 sê die Here sal aan jou vrede en voorspoed gee omdat jy jou vertroue op Hom gestel het. Vertrou op Jesus en sy onwankelbare liefde. Hy sal jou vul met sy vrede wat alle ver stand te bowe gaan. Hy sal jou op die regte pad lei. Selfs al moet jy deur donker dieptes gaan, sal jy nie bang wees nie, want Hy is by jou (Ps 23:4). Plaas jou vertroue in sy onverganklike liefde en laat jou hart in Hom vreugde vind.
Ek bid vandag dat God jou lewe tot oorlopens toe vol vrede en vreugde sal maak omdat jy op sy heilige Naam vertrou.
Vader, ek sê vir U dankie dat ek op U kan vertrou. Dankie dat u Woord belowe dat as ons eers u koninkryk en u wil soek, U al die ander dinge vir ons sal gee. Vandag vra ek vir u vrede en vreugde in my lewe, Here. Ek vertrou dat U my gebed sal beantwoord.
Here U genade is vir my genoeg….ek eer U…U sorg vir my..dankie Here
Dankie Here. Amen!
Amen
Here dankie vir U vrede
The joy of the Lord is my strength .
Amen!