Gedagte vir die dag: Kies reg     

Jesus_kleed_stiltetyd.jpg

Foto: freebibleimages.org

Daar is net een ding wat regtig saak maak: om God te ken. Maria weet dit. Daarom het sy die regte keuse gemaak. Niemand sal dit ooit van haar kan wegvat nie. (Lukas 10:41)          

Sjoe, hierdie woorde van Jesus moes nogal aan Marta se hart geruk het. Was sy dan nie die een wat alles in haar vermoë gedoen het om diensbaar te wees nie? En nou sê Jesus vir haar dat haar suster – wat aan Jesus se voete gesit het – eintlik die beter keuse gemaak het. Dat tyd by Hom ewigheidswaarde inhou!

Ek en jy weet hoe dit voel om gedurig ’n lys van verpligtinge te hê en altyd in sewende rat te beweeg. Maar luister vandag weer wat Jesus vir ons sê: “Moet nooit so besig wees dat jy nie tyd het om by My stil te word nie. Want dit wat Ek vir jou gee, is vir altyd!”

Die lewe bestaan uit keuses. Besluit vandag om jou lewenspatroon en -wyse so te verander dat jy genoegsame tyd sal hê om aandag te gee aan dié dinge wat regtig saak maak: Dinge soos stiltetyd, gebed en Bybelstudie.

Here Jesus, maak my stil sodat ek u stem sal hóór.

Bron:
Moed vir elke môre deur Milanie Vosloo
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

HPV ·

Here dankie dat U altyd daar is vir ons, selfs as ons te besig is om daar te wees vir U.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.