Toe die Fariseërs sien dat Hy saam met sulke berugte sondaars en tollenaars eet, het hulle vir sy dissipels gesê: “Hoe kan julle leermeester saam met sulke immorele karakters eet?” Toe Jesus dit hoor, sê Hy vir hulle: “Gesonde mense het die dokter nie nodig nie – die siekes wel.” (Markus 2:16-17)
Jesus het seksuele sondaars liefgehad en vergewe. In ’n kultuur wat onsedelike vroue genadeloos gebrandmerk het as die ergste sondaars, het Jesus na hulle uitgereik en hulle lewens aangeraak – die Samaritaanse vrou (Johannes 4), die vrou wat skuldig was aan owerspel (Johannes 8) en die onsedelike vrou (Lukas 7).
Seksuele sonde is ernstig, maar dit lê nie buite Jesus se genade en vermoë om te vergewe nie. Jesus verstaan ook seksuele versoeking: “Hierdie Hoofpriester van ons kan ten volle met ons in ons swakhede saamvoel, want Hy is in elke opsig op dieselfde manier as ons versoek, maar Hy het nie voor die sonde geswig nie” (Hebreërs 4:15).
Wat beteken dit vir ons? Absolute versekering en ’n vaste hoop!
Die evangelie is die lewe van Jesus vir sondaars. Hier vind die gebrokenes bemoediging, want in Christus is ons vrygespreek. – Joe Thorn
Dankie Here Jesus dat U my sondes met U bloed gereinig het….Amen
AMEN