Daar is drie dinge wat vir my te verbasend is, nee, eintlik is daar vier wat ek glad nie kan verstaan nie. (Spreuke 30:18)
Die skrywer van Spreuke 30:1819 sê daar is drie, nee eintlik vier dinge wat hy nie so mooi verstaan nie. Hy wonder onder andere hoe ’n arend in die lug bly of hoe ’n slang op ’n rots seil. Ek wonder self ook oor ’n paar snaakse dinge, soos hoekom moet mense stilbly as ’n tennisspeler afslaan, maar hoekom hulle raas as sokkerspelers die bal skop.
Die feit is, die lewe is vol onverstaanbare dinge. Ons kan nooit alles verstaan nie. Ons hoef ook nie. Ons kan die Here ook nie deurgrond nie. Ons moet nie eens probeer nie, want dan het ons eintlik vir ons ’n afgod geskep. ’n God wat ons hier aan ons kant van die draad volledig kan verstaan, is ’n god wat ons van ons kant af kan beheer en manipuleer. Die lewende God is egter baie groter en veel meer as alles wat ons van Hom af weet. Nogtans is Hy nie anders as hoe Hy Hom in sy Woord bekendmaak nie. Hy is altyd die God van liefde. Die kruis beklemtoon dit op ’n tydlose manier. Hy is die Vader van alle gelowiges.
Amen.
Dankie Here vir n liefde wat nooit taan nie…Amen
Amen