Foto: pixabay.com
Gisteraand was daar nog trane en vanmôre lag ek al weer. (Psalm 30:6)
As jy midde-in ’n beproewing is, dink dan aan môre. Beur jou hart op met gedagtes aan die Here se koms. Wees geduldig. Dink hoe nietig ons probleme sal lyk wanneer ons daarop terugkyk. As ons nou daarna kyk, lyk dit oorweldigend, maar wanneer ons in die hemel kom, sal ons beproewings lyk soos ligte en momentele droefheid.
Laat ons dus dapper voortbeweeg. Selfs as die nag donkerder is as wat dit nog ooit was, kan jy verseker weet die oggend is op pad. Weet jy hoe om die vreugde van die hemel te verwag? Om in verwagting te lewe? Dit is ’n vertroostende hoop. Dit is dalk nou donker, maar die môre bring lig. Ons trane sal in vreugde verander.
Bron: Elke nuwe dag deur Charles H. Spurgeon
Uitgewer: Christelike Uitgewersmaatskappy/CUM
