Wees in alle omstandighede dankbaar, want dit is wat God in Christus Jesus van julle verwag. (1 Tessalonisense 5:18)
Om dankbaar te leef is ’n lewenswyse. Dit beteken dat jy niks as vanselfsprekend sal beskou nie, maar sal weet dat alles wat jy kry God se onverdiende genade is. Paulus skryf aan die gemeente in Tessalonika dat dit nie genoeg is om dankbaar te wees nie, maar dat hulle in álle omstandighede dankbaar behoort te wees.
Deur geloof kan jy dit regkry om in alle omstandighede dankbaar te wees. Dikwels slyp God jou juis deur swaarkry tot ’n helderder geloofsgetuienis.
Gelukkige mense is nie hulle wat die meeste hét nie, maar hulle wat die meeste kan dankie sê. ~ WJ Oehler
Amen….al die lof en dank en eer kom U toe my Here