Lee-Ann Liebenberg se restaurateur-man, Nicky van der Walt, se restaurant, Tang, is as internasionale restaurant van die jaar aangewys. (Foto: Verskaf)
Deur Jhua-Nine Wyrley-Birch
Nagenoeg 25 van die land se beste sjefs en kulinêre ervarings is onlangs tydens die vyfde jaarlikse Luxe Jonsson Workwear-restauranttoekennings vereer vir hul smaaklike bydrae tot die Suid-Afrikaanse gasvryheidsbedryf.
Dié gesogte toekenningsgeleentheid, wat die beste bydraes tot die Suid-Afrikaanse restaurantbedryf vereer, is voor ‘n uitgesoekte gehoor van 100 toonaangewende bedryfsfigure by die Ethos Restaurant in Rosebank, Johannesburg, aangekondig.
Tumi Mogoai, bekende Suid-Afrikaanse sjef en televisiepersoonlikheid, het as gasvrou opgetree en gevierde sjefs soos Ryan Cole, Lorna Maseko, Johannes Richer en David Higgs was onder die gaste.
Wenners word jaarliks deur ’n span anonieme koskritici sowel as ’n openbare digitale stemproses aangewys.
“Oor die afgelope nege maande het die Luxe Restaurant-toekenning-beoordelaars na top-eetervarings in Suid-Afrika gesoek. Vanaand het ons hierdie vooraanstaande restaurante en sjefs ’n platform gegee om in die kollig te wees en hul kulinêre genialiteit te vier,” het Chad Fourie, hoofbeoordelaar van die Luxe Restaurant-toekennings en besturende direkteur van die plaaslike gasvryheidsraad, oor vanjaar se wenners gesê.
-
- Johannes Richter en Victor Okolo, wat onderskeidelik sjef van die jaar en die wyndienstoekenning gewen het. (Foto: Verskaf)
-
- Wenners is by die Ethos Restaurant in Rosebank, Johannesburg, aangekondig. (Foto: Verskaf)
Johannes Richter, hoofsjef van The Living Room in Summerhill, Pinetown, het die top-eerbewyse van sjef van die jaar huis toe geneem het, terwyl Salsify by die Roundhouse-restaurant in Kaapstad weggestap het as restaurant van die jaar.
The Living Room het ook die volhoubaarheidstoekenning ingeoes en Clara’s Barn, een van die bekroonde Afrikaanse sjef Bertus Basson se restaurante, het die toekenning vir beste Afrika-restaurant gewen.
Van die 24 restauranttoekennings, het 12 na eetplekke in die Wes-Kaap gegaan, 10 na Gauteng en 2 na KwaZulu-Natal.
Die volledige wennerslys is soos volg:
- Restaurant van die jaar: Salsify by die Roundhouse-restaurant
- Sjef van die jaar: Johannes Richter
- Nuwe restaurant van die jaar: Post and Pepper
- Styltoekenning: Mamasamba
- Kroeg van die jaar: Zioux
- Kulinêre innovasie-toekenning: Wandile Mabaso
- Kulinêre mediapersoonlikheid van die jaar: Lorna Maseko
- Opkomende kulinêre ster: Jess Van Dyk
- Kos/leefstylreeks van die jaar: Homegrown Tastes South Africa
- Gebaksjef van die jaar: Meg Meikle
- Pioniertoekenning: David Higgs
- Toekenning vir uitnemende diens: Siba – Die Restaurant
- Volhoubaarheidstoekenning: The Living Room by Summerhill
- Afrika-restaurant van die jaar: Clara’s Barn
- Bistro van die jaar: Embarc
- Kafee van die jaar: Just Teddy
- Fynproe-restaurant van die jaar: La Petite Colombe
- Roosterhuis van die Jaar: Marble
- Hotelrestaurant van die jaar: Siba – Die Restaurant
- Internasionale restaurant van die jaar: Tang Cape Town
- Leefstylrestaurant van die jaar: Artistry
- Opslaanrestaurant van die jaar: Vusi Ndlovu – Edge at the Mount Nelson
- Straatkos-ervaring van die jaar: Ramenhead
- Wyndienstoekenning: Victor Okolo
- Mense se gunsteling-toekenning: Homespun Blouberg
- Die berig is gewysig sedert plasing – Red.
Mense se gunsteling-toekenning: Homespan Blouberg . Dit is nie Homespan nie – die restaurant se naam is Homespun
Dankie vir die regstelling
Dagsê Carl
Baie dankie dat jy ons laat weet het hiervan. Ons het die berig gewysig om die restaurant se naam reg te vertoon.
Groetnis
Esté Meyer Jansen
namens
Maroela Media
Hoe verfrissend dat daai ou, het nou sy naam vergeet, wat Plante opdien, nie op die lys is nie, want dit beteken dat hy dalk nou behoorlike kos kan bedien?