Resep: Sorgelose sjokolademousse

Sorgelose sjokolademousse. (Foto: Lapa Uitgewers)

Wie sal nou vir hierdie sjokoladegereg kan nee sê?

Lewer 5-6 porsies.

Bestanddele

• 2 blikke kekerertjies,
• gedreineer en afgespoel
• 5 e rou heuning
• 100 g amandelbotter
• 1 t vanieljegeursel
• 2 t karamelgeursel
• 1 t woestyn- of pienk sout
• 2 opgehoopte e kakao (ek verkies rou kakao)
• 2 eiers

Garnering

• amandelmeel
• amandelvlokkies
• kakaopoeier
• vars bessies
• vars mentblare

Metode

1. Maak die kekerertjies fyn in ‘n voedselverwerker. Die tekstuur is baie belangrik, maak dus seker dat dit mooi fyn is, anders sal die mousse klonterig wees.
2. Voeg die res van die bestanddele behalwe die eiers by en meng goed.
3. Klits die eiers vir sowat ‘n minuut met ‘n elektriese klitser en voeg by die kekerertjiemengsel. Klits saam teen ‘n hoe spoed vir 4-5 min tot dit die tekstuur van mousse het.
4. Skep in kelkies of wynglase en plaas in die yskas. Garneer net voor opdiening.

Bron: Karlien kan nie kook nie
Uitgewer: Lapa