Gewigsverlies: Die uiteinde is die moeite werd

Talita van Dyk (Foto verskaf deur Slender Wonder)

Talita van Dyk, ʼn merkwaardige individu van Pretoria, se lewe het ʼn positiewe wending geneem toe sy op 5 Mei 2022 met haar Slender Wonder-reis begin het.

Ons gesels met Talita oor dié lewensveranderende ervaring en leer meer oor die uitdagings en oorwinnings wat sy in haar reis beleef het.

Haar gewigsverliesreis het begin toe sy in fisiese en emosionele ongemak verkeer het. Sy het ʼn behoefte gehad aan verandering en het besluit om beheer te neem oor haar gesondheid en welstand.

Voor haar reis begin het, het sy nie gereeld geoefen nie en het ook nie op skool aan sport deelgeneem nie. Vandag maak sy gereed vir haar eerste halfmarathon en spog met die ongelooflike fisiese transformasie wat sy ondergaan het.

Om gewig te verloor het ook ʼn merkwaardige sielkundige verandering vir Talita gebring. Sy het ʼn hupstoot ervaar in haar selfvertroue en sy is nou meer toeganklik en skerpsinnig. Die geestelike en emosionele voordele het ʼn integrale deel geword van haar algehele welstand.

Ná die Slender Wonder-program was een van Talita se grootste uitdagings om verskillende tipes kossoorte by haar dieet by te voeg – veral dié met ʼn hoër kaloriedigtheid. Om dié vrees te oorkom, het sy ʼn gebalanseerde benadering gevolg. Sy het haarself af en toe iets lekker gegun (en matigheid voor oë gehou) terwyl sy daarop gefokus het hoe kos haar laat voel.

“Ek was baie bekommerd om ander kos by my dieet te voeg, veral kossoorte met ʼn hoër kaloriedigtheid soos roomys of ʼn glas wyn. Ek het dit oorkom deur myself af en toe iets lekker te gun. Ek het daarop gefokus om te kyk hoe kos my laat voel, in plaas daarvan om te dink wat reg is en wat verkeerd is.”

Om op die regte spoor te bly, het Talita die instandhoudingsplan gevolg wat Slender Wonder verskaf het. Sy het ook aanvanklik kalorieë getel om haar selfvertroue op te bou in die keuse wat sy maak. Ondanks terugslae, het sy klem gelê daarop om nie haarself te boelie nie, maar bloot om by die plan te bly.

“Geestelik sal dit seker altyd ʼn gesukkel bly, maar in plaas daarvan om myself af te knou, volg ek bloot die Slender Wonder-plan, selfs wanneer ek ʼn moeilike naweek gehad het.”

Haar gewigsverlies het ʼn positiewe impak gehad op haar verhoudings. Sy het ʼn baie meer openhartige verhouding met haar vriende en familie en is ʼn baie meer aktiewe deelnemer in haar kinders se lewens. Sy erken dat gewigsverlies soms kan verander hoe mense jou behandel – positief en negatief.

Sy sê dit is ook belangrik om nie na terugslae te kyk as ʼn rede om van voor af te begin nie, maar eerder om voort te gaan met die plan. Sy beklemtoon ook die belangrikheid van selfversorging en dat dit nie selfsugtig is om na jouself om te sien nie.

As sy terugkyk oor haar reis, sê Talita dit was ʼn uitdaging, maar die lewe wat sy teruggekry het, is ongetwyfeld die moeite werd. Sy is dankbaar vir die ondersteuning en aanmoediging wat sy van die Slender Wonder-span af gekry het, en beskou hulle as ou vriende.

Vir diegene wat ʼn gewigsverliesprogram oorweeg, moedig sy hulle aan om nou te begin. “Daar is nooit ʼn perfekte tyd nie. Begin nou en doen dit vir jouself. Daar is nooit ʼn goeie tyd om met ʼn gewigsverliesprogram te begin nie. Daar sal altyd ʼn verjaarsdag of ʼn werksfunksie wees.”

Talita se reis is ʼn inspirasie vir enigiemand wat met die uitdagings van gewigsverlies sukkel. Haar verhaal is ʼn bewys van die transformatiewe krag van deursettingsvermoë, selfversorging en die ondersteuning van ʼn toegewyde program soos Slender Wonder.

Soos wat Talita met haar reis voortgaan, moedig sy ander aan om ook hul pad te begin na ʼn gesonder en gelukkiger lewe.