Toyota, BMW en Suzuki spog met die meeste semifinaliste in Cars.co.za se gewilde verbruikerstoekennings waarin daar in 13 kategorieë meegeding word om motoriste se gunstelingmotors aan te wys.
Daar is vyf semifinaliste in elk van die 13 kategorieë aangewys. Toyota spog met agt semifinaliste, gevolg deur BMW met ses en Suzuki met vyf. Chery, Omoda (Chery se weelde-handelsmerk), en Ora (GWM se elektriese voertuie-handelsmerk) maak vir die eerste keer hul toetrede tot die toekennings.
Die 13 uiteindelike kategoriewenners sal gekies word uit die lys van 65 voertuie. “Nog ʼn unieke aspek van die toekennings is dat die kategorieë elke jaar herevalueer word,” sê Cars.co.za se Hannes Oosthuizen. “Met soveel beweging in die laerprys-oorkruissegmente het ons besluit om sommige van die duurder kategorieë op te offer ten gunste van daardie segmente waar verbruikers eintlik tans koop.”
Hoewel soveel as 25 handelsmerke se voertuie in die lys van 65 verskyn, het nege handelsmerke ten minste drie semifinaliste in die wedloop vir kategorie-eerbewyse. In die volgende ronde, wat vroeg in Oktober plaasvind, sal die uitgebreide Cars.co.za-redaksiespan die semifinaliste individueel beoordeel en sal die drie topfinaliste per kategorie aangekondig word.
In November sal die 20 beoordelaars, onder wie Maroela Media se Brendon Staniforth, die finaliste by Gerotek op die proef stel.
Die 20 beoordelaars se tellings vir elk van die 39 finaliste sal egter net vir 50% van die finale puntestand tel terwyl die insette van motoreienaars die ander 50% sal uitmaak.
“Die Cars.co.za-verbruikerstoekennings is ontwerp om ʼn gids te wees vir alle kopers van nuwe passasiersvoertuie, nie net diegene wat motorpublikasies volg nie,” sê Oosthuizen.
Die uiteindelike wenners word in Februarie 2024 bekend gemaak.
Hier is al die semifinaliste in die onderskeie kategorieë:
- Intreevlakluikrug (prys onder R250 000)
Citroen C3 1.2 Feel
Renault Kiger 1.0 Zen
Suzuki Celerio 1.0 GL
Suzuki Swift 1.2 GLX
Toyota Vitz 1.0 XR
- Begrotingsluikrug (R250 000 tot R350 000)
Hyundai Grand i10 1.2 Fluid
Renault Clio 1.0 Turbo Zen
Suzuki Baleno 1.5 GLX
Toyota Starlet 1.5 XR
Volkswagen Polo Vivo 1.6 Highline
- Kompakte luikrug (R350 000 tot R500 000)
Audi A1 Sportback 30TFSI S Line
Honda Fit 1.5 Elegance
Opel Corsa 1.2T Elegance
Peugeot 208 1.2T
Volkswagen Polo 1.0 TSI 85kW R-Line
- Intreevlak-oorkruisvoertuig (R250 000 tot R350 000)
Chery Tiggo 4 Pro 1.5 Elite Auto
Haval Jolion 1.5T Premium
Suzuki Fronx 1.5 GLX Auto
Suzuki Grand Vitara 1.5 GLX manual
Toyota Urban Cruiser 1.5 XR automatic
- Kompakte gesinsmotor (R350 000 tot R500 000)
Haval Jolion S Super Luxury
Omoda C5 1.5T 230T Lux S
Peugeot 2008 1.2T Allure
Renault Duster 1.5dCi Intens
Toyota Corolla Cross 1.8 XR
- Gesinsmotor (R600 000 tot R800 000)
Chery Tiggo 8 Pro Max 2.0TGDi 390 Executive
Haval H6 1.5T HEV Ultra Luxury
Hyundai Tucson 2.0D Elite
Kia Sportage 1.6CRDi EX
Mitsubishi Outlander 2.5 Aspire
- Premium-oorkruisvoertuig (R700 000 tot R1 miljoen)
Audi Q3 Sportback 40TFSI quattro S Line
BMW X1 sDrive18d M Sport
Lexus UX 250h SE
Mercedes-Benz GLA200d AMG Line
Volvo XC40 B4 Ultimate Dark
- Middelslag-sportnuts (R1 miljoen tot R1,3 miljoen)
BMW X3 xDrive20d M Sport
Hyundai Palisade Elite 7 Seater
Lexus NX 350h F Sport
Mercedes-Benz GLC220d 4Matic Avantgarde
Volvo XC60 B5 Ultimate Dark
- Premium-sportnuts (R1,3 miljoen tot R1,8 miljoen)
BMW iX xDrive40
BMW X5 xDrive30d M Sport
Jeep Grand Cherokee L 3.6 4×4 Overland
Land Rover Defender 110 D250 SE County
Mercedes-Benz GLE300d AMG Line
- Avontuur-sportnuts (R800 000 tot R1,1 miljoen)
Ford Everest 3.0 V6 Wildtrak
Isuzu MU-X 3.0TD Onyx 4×4
Jeep Wrangler Unlimited 3.6 Rubicon
Mitsubishi Pajero Sport 2.4DiD 4×4 Exceed
Toyota Fortuner 2.8GD-6 4×4 VX
- Prestasiemotor (onder R1 miljoen)
Honda Civic Type R
Subaru WRX manual
Toyota GR Corolla Circuit
Toyota GR Yaris Rally
Volkswagen Golf R
- Ontspanning-dubbelkajuit (bo R800 000)
Ford Ranger 3.0 V6 EcoBoost Raptor 4WD
Ford Ranger 3.0 V6 Wildtrak 4WD
Isuzu D-Max 3.0TD V-Cross 4x4x Auto
Toyota Hilux 2.0GD-6 4×4 Legend RS Auto
Volkswagen Amarok 3.0TDI V6 Aventura 4Motion
- Elektriese voertuig (onder R1,3 miljoen)
BMW i4 eDrive35 M Sport
BMW iX1 xDrive30 M Sport
Mercedes-Benz EQA250 AMG Line
Ora 03 Super Lux
Volvo XC40 Twin Motor Ultimate
Ek is jammer maar hierdie lys is baie onvolledig. Waar is die Kia Picanto, Nissan Qashqai om maar ‘n paar te noem.
Jou karretjies het dit ongelukkig nie gemaak nie. Lees die aftikel, slegs die 5 semifinaliste in elke kategorie is op die lys.