Fiona Finniss (58) van Centurion is Woensdagoggend in haar huis tydens ʼn rooftog doodgeskiet.
ʼn Onbekende aantal mans het Finniss en haar man, Bob (73), omstreeks 04:00 in hul huis op ʼn kleinhoewe in Maraisstraat in Monavoni oorval terwyl hulle geslaap het. Finniss het wakker geword en begin skree toe sy die mans gewaar het. Hulle het haar in die maag geskiet en slegs met ʼn selfoon van die toneel gevlug. Finnis is glo weens inwendige beserings en bloeding op die toneel dood.
Lynda Stanton, Finniss se skoondogter, het aan Maroela Media gesê die voorval het die hele gesin geruk. “My ma was ʼn baie liefdevolle persoon. Ons is ʼn groot familie en sy het almal bymekaar gehou. Sy was baie spesiaal en almal was lief vir haar,” het ʼn bewoë Stanton gesê. Stanton sê haar ouers bly al ʼn geruime tyd op die kleinhoewe en dat misdaad in die gebied toegeneem het sedert daar met ʼn ontwikkeling van ʼn winkelsentrum in die omgewing begin is.
Kapt. Bonginkosi Msimango, ʼn polisiewoordvoerder, het die voorval bevestig en gesê die polisie ondersoek die voorval.
Finniss laat haar man en twee seuns, Robert en Richard, agter.
,,,,,,,,,,,ons witmense word nou soos n lam ter slagting gely!
‘n Mens se lewe is ‘n selfoon werd. Dit is skreiend dat die witmense so afgemaai word en die regering van die dag doen net mooi niks daaraan nie.