(Argieffoto)
Een leerder is dood en nog een beseer in twee afsonderlike voorvalle in Gauteng die afgelope week. In albei gevalle is die dade gepleeg deur medeleerders.
’n Gr. 9-leerder van die Sizwe Secondary School in Germiston is na bewering Dinsdagmiddag omstreeks 14:10 twee strate van die skool deur ʼn gr. 11-leerder doodgesteek.
Volgens Steve Mabona, woordvoerder van die departement van onderwys, ondersoek die polisie tans die voorval.
By die Nokutuhla LSEN-skool, ʼn skool vir leerlinge met spesiale onderrigbehoeftes in Lyndhurst in Johannesburg, is ʼn 13-jarige meisie Dinsdag beseer
toe ʼn ander leerder haar in die basiese lewensvaardigheidsklas gestamp het.
Die meisie het glo ʼn diep sny onder haar een knie opgedoen waarna sy in die hospitaal opgeneem is vir verdere mediese behandeling.
Mabona sê die departement veroordeel alle gewelddadige dade en wangedrag onder leerders.
“Die leerders wat verantwoordelik is vir die dood en besering van die leerders kan nie ongestraf gelaat word nie. Die departement doen ʼn beroep op ouers om hulle kinders tuis te dissiplineer,” het Mabona gesê.
Julle, ANC, het lyfstraf verban en dis die gevolg daarvan. Julle het kindertoelaes begin en die gevolg is onverantwoordelike aanwas van kinders sonder ‘n ouerhuis waar daar ‘n pa is wat verantwoordelikheid vir daai kinders aanvaar. Nou word hulle ongedissiplineerd groot en dis voor die deur van die korrupte ANC te lê. Julle moet eintlik aangekla word omdat julle onverantwoordelik is.
Kobus baie pa’s se verantwoordelikheid eindig as die gulp toe is…dan is n huis en kos al wat hulle wil voorsien…. baie is liewer vir biersuip en onbeskof wees….en is nie eers die naam pa werd nie….maar jy is reg die goverment kleintjies is n probleem want die goverment tug ook nie hulle kinders nie
Mr Mabona julle het ouers verbied om hulle kinders te dissiplineer. Hulle moes van kleins af dissipline ontvang het.
Hoekom altyd wit kinders wys by die berigte???
Dis mos polities korrek, nie waar nie.
Mabona, soos gewoonlik skuif julle die verantwoordelikheid op iemand anders af, hier is n tipiese voorbeeld van nog een van jul vele mislukkings.
En hoe stel die meneer voor moet die ouers nou hulle kinders dissiplineer, julle het bybelse riglyne verban.
Presies. Ons staan onder ‘n heidense regering met ander waardes en ‘n ander lewensbeskouiing.
Ek is bevrees dat dit oorspoel van wat in die huise gebeur, en omdat dit daar aanvaar word,, word dit aanvaar dat dit in die openbaar ook aanvaar sal word. Die medeleerders wat staan en toekyk dink dan ook dat dit baie snaaks is en huts verder aan. My kind weet baie goed wat om te doen en het sy al telkemale beter uit die stryd getree. Kinders moet ook vroegtydig reg ingelig word.
Hulle gooi die mislukte verotte stelsels wat hulle geskep het , terug in die gesigte van die mense wie van hul regte ontneem is . Patetiese spul self aangestelde ploerte .